Snýtt og skyrpt

2006-06-24T14:58:00.000-07:00

Ég hef skipt um blogg www.harpao.blog.is

2006-06-22T06:03:00.000-07:00

Við Hlynur ákváðum að vera menningaleg í gær og sækja jazztónleika hér í bæ. Sem er nú ekki frásögum færandi, nema hvað....

Í gærdag hlustaði ég á viðtal við einn af skipuleggjendum hátíðarinna Við Djúpið, sem er tónlistarhátíð sem nú er í gangi hér á Ísafirði, á Rás 2 þar sem var verið að spjalla við hann um hátíðina, hvað yrði á dagskrá og svo framvegis. Í lok viðtalsins var hann spurður hvað myndi kosta á þá tónleika sem fyrirhugaðir væru og svaraði hann því að annaðhvort yrði frítt inn eða hræbillegt!

Frábært hugsaði ég með mér, ég get kannski kíkt á einhverja tónleika í vikunni þrátt fyrir að eiga ekki bót fyrir boruna á mér í þessum mánuði af því að Hlynur var að byrja á slökkvistöðinni og við eigum enga aura fyrr en í byrjun júlí. Ég kíkti einnig inn á heimasíðu hátíðarinnar þar sem ég sá hvergi hvað eða hvort það kostaði eitthvað inn, allavega ekki á forsíðunni. Í tilkynningunni á www.bb.is kom það heldur ekki fram.

Við skötuhjúin ákváðum að kíkja í smástund, ætluðum ekki að vera allan tímann þar sem Hlynur þurfti að fara að vakta olíuskip kl 3 um nóttina. Klæddum okkur upp og mættum full tilhlökkunar. Húsið var óðum að fyllast þegar þangað var komið, sem var mjög ánægjulegt.
Við röltum að barnum til þess að kaupa okkur eitthvað að drekka en þar vorum við allt í einu rukkuð um 1500 kr á mann! Ég vil taka það skýrt fram að það er sjálfsagt mál að greiða fyrir svona viðburði jafnvel þó það kosti 1500 kr. En mér brá því hvergi hafði ég séð auglýst um það að það kostaði inn. Og þar sem ég vildi ekki vera kjánalega og segja "nei þá er ég hætt við" og fara, þá dró ég upp kortið og blæddi 3000 dýrmætum krónum í þessa tónleika !! Það hefði verið minnsta mál ef ég hefði vitað það fyrirfram og haft efni á að fara, eða vitað það fyrirfram en séð að ég yrði bara að fara seinna þar sem ég hefði ekki efni á þessu.

Til þess að leggja enn frekari áherslu á hve illa var staðið að auglýsingu á þessu að þá sáum við fólk koma inn stuttu eftir að tónleikarnir voru byrjaðir, og settist það bara strax niður í þeirri trú að ekkert kostaði inn !

Eftir klukkutíma þurftum við að fara, 3000 krónur fátækari og meira en lítið pirruð. Þrátt fyrir frábæra frammistöðu strákanna í Flís að þá nutum við þeirra ekki eins og við hefðum viljað þó að þeir ættu það fyllilega skilið að fólk borgaði 1500 kr inn. Bara ef það fær fyrirvara á því.

Arg hvað ég er pirruð...og fátæk!!!!!!

Harpa

"Pol Pot killed 1.7 million people. We can’t even deal with that. I think, you know, we think if – if somebody kills someone, that’s murder, you go to prison. You kill 10 people, you go to Texas, they hit you with a brick, that’s what they do. Twenty people, you go to a hospital, they look through a small window at you forever. And over that, we can’t deal with it, you know?

Someone’s killed 100,000 people. We’re almost going, “…Well done! You killed 100,000 people? Ahhh. You must get up very early in the morning. I can’t even get down the gin! Your diary must look odd. Get up in the morning, death, death, death, death, death, death, death, lunch…death, death, death afternoon tea…death, death, death, quick shower.”
You know. So, uh, so I suppose we’re glad that Pol Pot’s under house arrest – you know, 1.7 million people. At least he – we know where he is – under house arrest. Just don’t go in that fucking house, you know?"
-Eddie Izzard

2006-06-21T03:07:00.000-07:00

ehemm...ég er rosalega hrædd um að þvottavélin og ofninn okkar séu hægt og rólega að deyja. Þvottavélin tekur upp á því að stundum að dæla ekki af sér vatni og þarf Hlynur þá að setja allt á flot á baðherberginu okkar við að losa hana og hreinsa dæluna góðu. Arg. Og nú er ofninn eitthvað að stríða okkur, í hvert sinn sem við notum hann krossleggjum við fingur í þeirri von að hann gefist ekki upp. Hann hefur nefnilega læti, stöðugt, svona tikk tikk tikk tikk, murrrrrr, murrrrr. Og ég kalla það gott ef ísskápurinn okkar dugir í ár í viðbót. Ííííííssssk..... ands...helv...djöf...

Harpa
"I don´t have tecnofear, I have tecnoJOY!!!!!!!" -Eddie Izzard

2006-06-20T03:01:00.000-07:00

híhíhíhí....ég meinti blóm í hárinu:) Ímynda mér að það sé ekki þægilegt að vera með blóm í eyranu....

2006-06-20T02:59:00.000-07:00

Ég verð víst að fara taka mig á, fólk kvartað alveg í hrönnum yfir bloggleti minni. Ástæður fyrir letinni eru nokkrar, helv netið heima er ekki að leyfa mér að blogga, verð greinilega að fara að skipta um bloggheim. Svo fyrir utan almenna leti bara að þá var brjálað að gera hjá mér eftir að ég kom úr fríi. En síðan þá hef ég farið aftur í vikufrí og er komin aftur til vinnu.

Seinna sumarfríið mitt fór í EKKI NEITT. Ég var voða bjartsýn á að ég yrði bara úti á svölum eða sæti úti á kaffihúsum bæjarins með blóm í eyranu, sólarvörnina við hendina og yrði gyllt þegar ég kæmi aftur til vinnu. En nei, sólin skein aðeins á 17. júní og búið. AAAAAAAAAAAAARRRRRRG! Og daginn sem ég mætti í vinnu var GLAÐAsólskin. Hrmpf. Ég eyddi því mínum tíma inni, heima, þrífandi, í tölvunni, horfandi á sjónvarpið og annað álíka glatað.

Jú við fórum reyndar á Árshátið Kambs í boði Dúa bróður Hlyns og höfðum við mikið gaman. Eftir suðræna og seiðandi árshátíðina þar sem áfengið gjörsamlega flaut yfir alla glasabarma þó fórum við á flöskuball í félagsheimilinu á Flateyri þar sem Apollo spilaði fyrir dansi. Apollo samanstendur af vöskum ungum drengjum frá Ísafirði sem flestir þurftu að hafa forsjáraðila með í för sökum aldurs. Hljómsveitin var ljómandi góð, allavega dansaði ég eitthvað við Ágústu mína sem kom vestur yfir helgina í fríi frá eltingaleik við glæpamenn í borginni ógurlegu.

!7. júní rann upp bjartur og fagur eins og áður koma fram. Við Hlynur röltum um bæinn og skoðuðum mannlífið í tilefni af afmæli lýðveldisins og okkar að sjálfsögðu, við sem sagt trúlofuðum okkur 17. júní í fyrra. Í fyrra fórum við í tilefni dagsins í heimsókn til ömmu Hlyns en í þetta skiptið var hún ekki heima.
Um kvöldið komum við við á Silfurtorginu þar sem tónleikar voru haldnir en fórum heim um tíuleitið og horfðum á Walk The Line, um Johnny nokkurn Cash. Æðisleg mynd!

Jæja gott fólk, þið fáið ekki stærri skammt en þetta núna.

Knús og fullt af kossum
Harpa skarpa, hvít eins og rjómi.

2006-05-31T01:31:00.000-07:00

Framhald....

Mánudeginum eyddum við í Borganesi þar sem við fylltum á birgðirnar. Þri og mið fóru í að sófaklessast, lesa, borða, spila, fara í pottinn, fylgjast með haglélinu!, og meira af slíkri almennri leti. Við ákváðum að skila bústaðnum á fimmtudeginum í stað þess að vakna snemma á föstudeginum, þrífa og skila á hádegi. Þannig að við þrifum hátt og lágt og brunuðum svo í bæinn til Árelíu og Gumma þar sem við horfum á Silvíu Nótt tapa í júróvisjón. Eftir það kíkti ég með Elmu sætu á Hótel Nordica þar sem við sátum og spjölluðum.

Á föstudagskvöldið ákváðum við Hlynur, Árelía og Gummi að fara út að borða. Þar sem Reykjavík Pizza Company var fullt þá fórum við yfir á Rossopomodoro sem er ítalskur pizzastaður á laugaveginum. Þar ætluðum við okkur að hafa það gott á góðum stað. Það gekk nú ekki alveg eftir. Við erum greinilega ekki nógu mikið inni í ítölskum pizzum því bæði mín pizza og Hlyns voru sósulausar. Við létum það nú ekki á okkur fá því það var nóg af sósu hjá Árelíu og Gumma svo við gátum stolið smá frá þeim og smurt á okkar. Nema hvað, Árelía greyjið pantaði sér pizzu með skinku, ananas og pepperoni og LITLUM osti. Fyrsta pizzan sem hún fékk var ekki með neinum ananas að mig minnir og miklum osti. Hún skilaði henni að sjálfsögðu. Þá fékk hún pizzu með öllu nema pepperoni. Eftir að hafa skilað henni, henti kokkurinn nokkrum pepperonisneiðum á pizzuna og eldsnöggt inn í ofn. Sem sagt í þriðju tilraun kom hún rétt til hennar en þá vorum við hin öll búin að borða á meðan hún þurfti að horfa á, og ólétt í þokkabót. Svo beið hún greyið endalaust eftir meira gosi.... Að lokum fengum við nóg og ég fór og talaði við yfirþjóninn og rakti þar kvöldið fyrir henni og sagði að við sættum okkur ekki við að borga krónu fyrir Árelíu mat og þar sem þetta hefði verið leiðinlegt fyrir okkur hin líka þá krafðist ég þess að fá afslátt af okkar mat. Sem við fengum, 30% afslátt af vondum pizzum. Eníhú, við yfirgáfum staðinn með hálfsvanga Árelíu og með þá ákvörðum í vasanum að við myndum aldrei koma á þennan stað aftur.

Gaukur á Stöng var svo pleisið til að vera á um kvöldið því þar voru vaskir drengir að vestan að spila. Georg Rúnar, Halldór Gunnar, Hlynur minn og Geiri. Man ekki hvort það voru fleiri. Allavega ég lét það vera að láta sjá mig því allar frænkur og vinkonur voru annaðhvort óléttar eða uppteknar. En þeim gekk vel að spila þrátt fyrir að mætingin hefði mátt vera betri.

Næsta blogg : kosningar, sjálfstyrkingarhópur og yndislegir fyrrverandi nágrannar.

2006-05-30T02:59:00.000-07:00

Gott fólk, crazy vika er að líða. Við Hlynsi minn komum heim á laugardagskvöldið rétt í tæka tíð til þess að sjá Lordi taka sigurlagið í júróvisijón. Til hamingju Finnland !!!

Já, fríið var gott. Við lögðum í hann rétt fyrir 14 á miðvikudegi og renndum í hlað hjá Árelíu og Gumma rétt fyrir 20 um kvöldið. Þar var tekið á móti okkur með úrbeinuðu grilluðu lambalæri með öllu tilheyrandi og áttum við alveg hreint ágætis kvöld hjá þeim skötuhjúunum+Óla+Míu páfagauk. Fimmtudagurinn reis bjartur og fagur þegar Hlynur og Gummi brunuðu upp í Nevada Bob til þess að láta lengja golfkylfurnar hans Hlyns. Eftir eitthvað smá stúss á þeim tveimur þá komu þeir að ná í mig og fórum við Hlynur í Smáralindina að versla. Föt, kaffisía, súkkulaði og fleira rataði í pokann hjá okkur. Seinnipartinn fór ég svo með Árelíu í Debenhams þar sem ég keypti handa henni snyrtivörur í afmælisgjöf og verslaði að sjálfsögðu líka fyrir mig. Ég eyddi svo smá tíma í að kenna Árelíu að gera sig sætari með nýja dótinu og var hún orðin svo mikið skutla eftir daginn að Gummi átti erfitt með að hemja sig. Gummi skamm, hún er ólétt......

Já, svo ætluðu allir að koma með okkur upp í sumarbústað, Ísar, Hulda og Óli t.d. sem afboðuðu á síðustu stundu. Ísar og Hulda voru lasin og Óli held ég að hafi djammað frá sér allt vit. Þannig að Árlía og Gummi voru þau einu sem eltu okkur á föstudeginum og eyddum við yndislegu kvöldi saman þar sem við Hlynur kenndum þeim Kínaskák. Hlynur og Gummi voru svo spenntir að fá að eyða tíma saman að við Árelía sáum þá varla alla helgina. Golf golf golf var það eina sem komst að hjá þeim. Sem var allt í lagi, þeir áttu það alveg skilið þessar elskur. Við Árelía eyddum bara tímanum í að spila og fara í pottinn. Ekki leiðinlegt það.
Túristaatriði var tekið að sjálfsögðu og kíktum við bæði á Snorralaug í Reykholti og Barnafossa. Á laugardagskvöldinu kíktu Ágústa og Magnús á okkur og þá var drukkið mikið af bjór og mikið af rauðvíni og mikið var spjallað, inni sem úti. Víski var drukkið og dómínískir vindlar reyktir. Namm......

Á sunnudeginum var sólin sleikt og potturinn nýttur veeeel af mér og Ágústu aðallega. Svo birtust Kristín Guðný, Hjalti og Ólöf María litla sem fór í pottinn með okkur og líkaði vel, í annarri tilraun.... Við grilluðum svo hamborgara þegar Árelía og Gummi voru farin og fljótlega eftir matinn hurfu allir í Reykjavíkina nema við Hlynur.

Framhald seinna.....ekkert gaman að lesa löng blogg.

2006-05-06T13:13:00.000-07:00

Úff, ljótt að sjá hvað það er langt síðan ég bloggaði síðast! Málið er bara að tölvan tók upp á því að deyja í síðustu viku. Bara slokknaði á henni allt í einu og ekkert hægt að tala hana til. Svo ég fór með hana á þriðjudaginn í Snerpu hérna á Ísafirði og strákur þar reyndi eitthvað við hana en ekkert gekk. Nú svo hringdi ég í dag og spurði hvort eitthvað væri komið í ljós og þá var mér sagt að þeir hefðu tekið hana inn á verkstæði og bara bliff, kveikt á henni! Slökktu og kveiktu aftur og aftur og bara alveg eins og draumur. En hann sagði að fyrst hún hefði látið svona hjá okkur þá væri móðurborðið að krassa og því þyrfti að skipta um það. Sem er aðgerð upp á litlar 100 þús krónur!!! En við erum enn með hana í ábyrgð og því allt í góðu. Bara spurning hvort við fáum nýja eða það verði gert við hana.
En jæja, rapport. Það verður fjölmennt og góðmennt hjá okkur í Húsafelli því Árelía og Gummi ætla að koma, Ágústa ætlar hugsanlega að koma líka og Ísar og Hulda ætla að kíkja yfir eina nótt. Vei vei vei! Það verður ógeðslega gaman. Við ætlum að taka með okkur öll spilin okkar, versla duglega í ríkinu og taka að sjálfsögðu tökum við með góðan mat og gott skap. Ohhhh, grill, heitur pottur, varðeldur, golf, rómantískir göngutúrar, rauðvín, spil, skemmtilegt fólk og yndislegt umhverfi. Hlakka til !!
Elma ætlið þið að kíkja til okkar !!!
Anyway, hvað gerðist í síðustu viku....emmmm... já ég fór á annan fund hjá sjálfstyrkingarhópnum mínum. Við mættum allar með mynd eða myndir af okkur frá því við vorum börn þar sem við vorum að taka þann part fyrir, barnið. Ég tók með mér mynd sem hangir upp á vegg hjá mér, ég í mjög litríkum röndóttum náttfötum með þetta litla sólheimabros á andlitinu. Mér þykir mjög vænt um þessa mynd því þarna hafði ég ekki orðið fyrir misnotkun, ekki verið lögð í einelti, ekki byrjuð að berjast við offitu og svo framvegis. Þarna var ég alveg saklaus, hrein og viss um að heimurinn væri góður, og sífellt með bros á vör. Ég man eftir því að hafa verið glaðvært og ákveðið barn.
Á laugardaginn síðasta var ég á námskeiði á slökkvistöðinni um aðgerðargrunn Landsbjargar, þar sem ég átti að taka þátt í stórri almannavarnaræfingu á miðvikudag og fimmtudag og mitt hlutverk þar væri að skrá í þennan grunn.
Æfingin sjálf var mjög skemmtileg og spennandi, við vorum kölluð út um 9:30 á miðvikudeginum og vorum fram til kl 22 þann dag. Mættum svo galvösk daginn eftir kl 8 og vorum til 16. Svaka stuð. Mjög gaman að fá að taka þátt í þessu.
Jæja, svo átti ég frí í gærdag, fór í klippingu, um bæinn, fór í Í-lista kaffi til Lísbetar vinkonu þar sem ég hitti og knúsaði Söru Emily og Hörð Christian ofurdúllur.
Um kvöldið fór ég með Birnu Hjaltalín og Ragnheiði á Langa Manga þar sem við sátum og skröfuðum ásamt Lísbet og fleiri eðalkonum. Við ákváðum að rölta í Krúsina þar sem Edda Katrín vinkona þeirra var að dj-a. Reyndar var hún hætt að spila þegar við komum þannig að við dönsuðum nokkur spor innan um ÖR-fáar hræður við skelfilega tónlist.

Þegar ég kom heim var Tinna heimsferðalangur mætt til okkar og gisti hún í sófanum góða.
Dagurinn í dag hjá mér fór í að hjálpa Dóru og pabba að flytja, ásamt fullt af fólki sem birtist til að hjálpa. Ég er eiginlega ný komin heim og sé fram á einmanalegt kvöld því Hlynur minn er að taka þátt í löggu-slökkvi deginum.
En jæja ég ætla að reyna að setja þetta á bloggið mitt áður en tölvan mín deyr aftur, hún á það nefnilega til. Vonandi fáum við nýja eftir helgi.
Knús mitt kæra fólk

2006-04-26T08:13:00.000-07:00

ÞOKKALEGA!!! Við fengum sumarbústað í Húsafelli 12-19. maí n.k. jibbííííí!! Hrikalega flottur:)
Þeir sem vilja eiga góðar stundir með okkur er velkomið að kíkja á okkur, svefnpláss er fyrir heila 12, heitur pottur, gasgrill, uppþvottavél, golfvöllur, hestaleiga, varðeldur á laugardagskvöldum, sundlaug og svona má lengi telja upp dýrðina í paradís:) Ó MÆ GOD hvað það verður notarlegt!

Kíkið á pleisið hér

Harpa

2006-04-26T04:25:00.000-07:00

SKO ! ég fer að halda að enginn lesi bloggið mitt lengur ! Athyglisþörf mín fer fram á að þið kvittið fyrir ykkur svo ég sjái hverjir eru að skoða. Híhíhí..

Anyway....

Á laugardaginn gerðum við nú lítið, Hlynur var að spila í brúðkaupi um kvöldið og eftir að hann kom heim kíktum við á Langa Manga og sátum þar og rifumst heitt um pólitík við hvort annað. En allt fór vel að lokum:)

Við fengum fallegu börnin og fallegu konuna í vöffluheimsókn á sunnudaginn. Hörður Christian var glaður sem endranær og Sara Emily sá mig ekki fyrir Hlyni. Þau eru svo ofboðslega skemmtileg þessi yndislegu börn, við vildum helst fá þau í heimsókn á hverjum degi! Sara skemmti sér við að teikna fyrir okkur með grænu glimmer slími sem harðnar, uppgötvaði svo að það væri miklu skemmtilegra að setja það á andlitið á sér :)
Lísbet spurði hvort það væri alltaf svona hreint hjá okkur......við sögðum henni að hefði hún komið klukkutíma fyrr þá hefði hún ekki spurt að þessu. Gerðar voru hraðhreingerningar sem kláruðust um það bil sem þau bönkuðu á dyrnar.

Eftir vöfflurnar fórum við í heimagerða pizzu til tengdó og komum svo heim um átta leytið og lékum bara sófaklessur.

Eins og margir vita þá eru pabbi og Dóra búin að fjárfesta í íbúð út í Bolungarvík og vinna þar nú hörðum höndum við að gera hana upp. Ný gólf, nýtt loft, allt ný málað, nýtt baðherbergi, 2 veggir rifnir niður, ný eldhúsinnrétting og ég veit ekki hvað og hvað. Rosalega flott hjá þeim. Við fórum til þeirra eftir vinnu á mánudaginn og hjálpuðum við að flytja smá dót og svo var Hlynur í gær og verður næstu daga í því eftir vinnu, að hjálpa pabba við að setja upp loftið og parketleggja. Þau vonast svo til að flytja um eða eftir helgi.

Annars er nú ekki mikið að frétta af okkur krúttinsprútturnar mínar, lífið er rólegt og rómantískt.

GLEÐILEGT SUMAR !!!

2006-04-25T01:39:00.000-07:00

Ég var klukkuð af Ísari :

1. Which book has made the greatest impact on you? Either as a good read or as a "aha" experience? Veronika Desides to Die og Alkemistinn eftir Paulo Coelho .Veronika var mjög góð lesning sem fékk mig til þess að langa til að lesa meira eftir þennan stórkostlega höfund. Strax á eftir henni las ég Alkemistann sem var svona "aha" lesning. Undursamleg bók um fjárhirði sem uppgötvar að allir eiga sér fjársjóð sem hver og einn verður að finna. Ég á aldrei eftir að gleyma þessari bók og á örugglega eftir að lesa hana aftur og aftur. Mæli með henni.

2. Which genre do you read most? Novels, crime-stories, biographies, poetry or something else? Skáldsögur helst, eitthvað sem er nærandi fyrir sálina eins og bækurnar hans Paulos. Svo ég það til að lesa eitthvað sem þarfnast ekki mikillar hugsunar eins og spennusögur og chic-flick bækur eins og Brigdet Jones.

3. What was the last book you read? Draumaveröld kaupalkans.......eftir Sophie Kinsella. Fékk hana í sumargjöf frá mínum heittelskaða, vil meina að eitthvað hafi legið að baki þessari gjöf(meira svona í gríni samt....). Las hana á einum degi enda léttmetislesning. Verð þó að viðurkenna að ég fann mig í persónunni óþarflega oft.

4. Which sex are you? Hörkukelling!

Ég klukka Elmu, Árelíu, og Kristján og Helen í útlandinu.

2006-04-21T16:01:00.000-07:00

Jæja, nú kemur aðeins jákvæðari bloggfærsla, lesendum örugglega til mikillar ánægjuJ Sem sagt, á þriðjudaginn síðasta, þegar ég skrifaði síðast, átti ég ekki góðan dag og dagarnir þar á undan ekki mikið skárri. Vonleysistilfinning hefur verið að brjótast um í mér síðast liðnar vikur. Mér fannst eins og ekkert yrði af sjálfshjálparhópnum sem ég sagði ykkur frá um daginn(Stígamótahópurinn) því að ég frétti að aðeins tveir væru búnir að skrá sig. Og tveir er ekki hópur........

Ég var því ráðalaus með það hvað ég ætti að gera því minn tími var kominn. En viti menn, kannski þurfti ég bara að koma þessu frá mér til þess að hlutirnir færu að ganga. Á miðvikudagskvöldið hringdi annar leiðbeinandinn í mig og sagði mér að náðst hefði í einn hóp og fyrsti fundur yrði kvöldið eftir. Veiiiiiii!!

Jæja, í gærkvöldi áður en ég fór á fundinn var kvíðinn farinn að láta á sér kræla. Hvað ef þetta yrði bara ömurlegt? Hvað ef þetta yrðu bara einhverjar stelpur sem mér finndist ég ekki eiga neitt sameiginlegt með, nema það augljósa að sjálfsögðu.... Hvað ef, hvað ef?

Anyhú, ég mætti sem sagt fyrst allra fékk yndislegar móttökur frá leiðbeinundunum báðum og smám saman bættust þrjár aðrar konur í hópinn, hver annarri yndislegri! Og kvöldið var magnað!!!! Í rúma 3 tíma sátum við og töluðum og töluðum, tókum okkur svo pásu til þess að tala meira, bara um eitthvað annað, og héldum svo áfram að tala að því loknu. Ég kom heim dauðþreytt á miðnætti, en hjarta mitt var ánægt, sálin nærð og hugurinn hafði mikið að hugsa um. Mikið brjálæðislega var þetta gott. Og svona fundi fer ég á næstu 3 mánuði, alltaf 3 tíma í senn, það dugar sko ekki skemmri tími í einu. Oh hvað ég á eftir að taka þessa hluti í gegn, lið fyrir lið!

Í síðustu færslu talaði ég um samskiptafælni mína. Ég vann meira að segja aðeins á henni í gær líka! Eftir að leiðbeinandinn hringdi í mig virtist ég fá smá eld í blóðið. Á sumardaginn fyrsta þreif ég íbúðina, gerði mig svo glerfína og rölti ein niður í bæ og og fékk mér pólitískann kaffisopa hjá henni Albertínu http://vestfirdingurinn.blogspot.com/ sem er í framboði fyrir "exbé"(þessa dagana virðist vera bannað að segja Fram******flokkurinn, það er gamaldags....). Nota bene, þetta er ekki venjuleg hegðun hjá mér, að dræsast eitthvað út og fara að tala við fólk, að því mig LANGAR til....

Við Albertína spjölluðum aðallega um "þjóðernisflokkskjaftæðið" sem hefur verið í fjölmiðlum að undanförnu. Ef þessi vitleysa gengur eftir mun ég skammast mín fyrir að vera íslendingur.

Jæja kæra fólk, hvað gerðuð þið á þessum fallega degi í gær?

Kveðja Harpa

2006-04-18T04:45:00.000-07:00

Jahá, þá eru páskarnir búnir. Eins og þið getið giskað á eftir lestur síðustu færslu þá var páskafríið mitt fullt af hori og fór því ekki mikið fyrir athafnagleðinni hjá mér. Ég fékk ekki einu sinni páskaegg í ár, í fyrsta sinn á ævinni. Enda hef ég verið sykurlaus síðan á þriðjudegi eftir síðustu páska. Jamm.

Undanfarið hef ég hugsað mikið um samskiptafælni mína sem hefur hrjáð mig alla ævi, eða svo gott sem. Ég man eftir góðum tímabilum eins og þegar ég var í FB hérna um árið. Ég eignaðist þar marga vini sem ég eyddi miklum tíma með, ég fór mikið á kaffihús og kíkti á myndlistasýningar, tók þátt í Stígamótargöngu og undirbúningi hennar og margt margt fleira. Ég hafði gaman af lífinu.
Og annað tímabil var sumarið áður en ég fór á Bifröst, 2003. Það var góður tími.

Þetta er hluti úr grein um félagsfælni á Doktor.is, eftir Brján Á Bjarnason, sérfræðing í geðlækninum :

"Í raun má skipta félagsfælni í tvennt. Annars vegar kvíða tengdan beinum mannlegum samskiptum og hins vegar kvíða tengdan framkvæmd athafna fyrir framan aðra. Margir sem hafa félagsfælni líða af báðum þessum þátt, en einkum er líklegt að þeir sem þjást af "samskiptafælni" þjáist einnig af "athafnafælni".

Í grunninum er um sams konar hugsunarhátt að ræða í báðum tilvikum. Einstaklingurinn óttast neikvæða umfjöllun annarra, annaðhvort við bein samskipti eða við framkvæmd athafna fyrir framan aðra. Hann óttast að fá kvíðaeinkenni, sem aðrir muni greina, svo sem roða í andliti, svita eða skjálfta, hugurinn muni frjósa eða honum muni ekkert detta í hug til að segja. Hann er almennt viðkæmur fyrir áliti annarra, óttast að verða fyrir neikæðu mati og verða þar með dæmdur kvíðinn, veikgeðja, "heimskur", "óspennandi!", og verða síðan hafnað.

Félagsfælni getur verið mjög mismunandi víðtæk. Hún getur náð yfir allt frá fáum aðstæðum upp í mjög víðtækar aðstæður, sem í raun veldur þá algjörri einangrun, þar sem einstaklingurinn fer helst ekki úr húsi.

Dæmigerðar "samskiptaaðstæður" geta t.d. verið að hitta einhvern í fyrsta skipti, sækja samkomur eins og veislur eða fundi, vinna í hópi, fá gesti í heimsókn, tala í síma, skila hlutum í verslanir, hitta "yfirmenn" eins og verkstjóra á vinnustað eða kennara.

........ekki er óalgengt að þeir sem þjást af félagsfælni komi sér upp´"óæskilegum" aðlögunarleiðum, svo sem að finna sér afsakanir til að koma sér hjá samskiptum eins og að "hafa svo mikið að gera", eða fá aðra til að taka að sér það sem þeir fælast, en með því viðhalda þeir fælninni í raun. "

Ég feitletraði það sem mér finnst eiga við mig. Ótrúlega leiðinglegt að vera svona. Því mig langar að gera svo margt. Mig langar að skapa. Mig langar í Listaháskóla eða MAC skólann. Mig langar til þess að fara á viðburði eins og Rokkhátíðina, eða tónleika sem haldnir eru reglulega, myndlistasýningar, hina ýmsu fundi. Mig langar að vera félagsvera. En alltaf enda ég bara heima, í örygginu, þar sem einskis er krafist af mér. Þar sem ég hef ekki áhyggjur af því hvernig ég lít út eða hvað ég segi.

Ætli þetta komi með aldrinum ? Verð ég kannski hressasta gamla kellingin á elliheimilinu ? Eða þarf ég kannski að opna augun fyrir því að þetta lagast ekki af sjálfu sér ? Eitthvað þarf að gera, en hvað ?

Harpa

2006-04-15T15:32:00.000-07:00

Hor og rokk!

Jebb, ég er pestarangi um páskana. Ég sit hér ein heima og horið þrýstist út í hausinn svo hann ætlar að springa. Páskarnir og rokkhátíðin Aldrei fór ég suður líða framhjá mér í móðu. Ég gerði heiðarlega tilraun áðan til þess að kíkja á tónleikana, setti á mig andlit og var sæmilega vel til fara. Rölti svo niður í Edinborgarhúsið sem nötraði og skalf af hávaða og fólki. Þegar inn var komið hófst mikil barátta við kveftárin sem viltu endilega trítla niður kinnarnar, ég stóð í hurðinni og reyndi örvæntingafull að þurrka þau í burtu án þess að fólk héldi að mér finndist tónlistin svona grátlega leiðinleg. Ráfaði um í leit að Hlyni sem var á brunavakt, eða tissjú til þess að bjarga heiðri mínum. Fann bæði eftir stutta leit. Ég stoppaði þó bara í svona hálftíma þar sem mér leið ekki vel í þessum hávaða og ákvað að játa mig sigraða af pestinni og fór aftur heim á leið.

Hlynur var búinn á vakt kl sjö, kom heim borðaði, skipti um föt og hélt svo aftur niður í hús, í þetta sinn í eingöngu sér til skemmtunar og ólaunaðJ Þar er hann núna að sötra öl og hlusta á rokkaða tóna.

Rock on!

Harpa

2006-04-10T06:27:00.000-07:00

Ég ákvað að létta aðeins á síðunni fyrst það er að koma vor:)

2006-04-10T04:09:00.000-07:00

Ahhhh...ég kem andlega nærð og fátæk heim úr borginni sem reykir. Það var stórkostlegt að hitta þær vinkonur sem ég komst í að hitta, sitja á kaffihúsi eða bara í heimahúsi og spjalla um allt og ekki neitt. Mikið hef ég saknað þess!!!!!

Ég var lent í borginni kl ellefu á laugardagmorguninn og á flugvellinum tók á móti mér ólétt Hulda Guðrún:) Við brunuðum á kagganum hennar upp í Smáralind þar sem við byrjuðum í Hagkaup. Ég fann EITT pils! Keypti mér þá bara aukalega í staðinn tvo boli og eina skyrtu. Svo röltum við yfir í ostaborðið og þar fjárfesti ég í rándýrum-en-alveg-þess-virði geitaosti. Nammmmmmmm.......

Við Hulda settumst þá niður og fengum okkur að borða á Te og kaffi sem er við hliðina á Debenhams. Fengum okkur hollt og gott að borða og spjölluðum svo yfir nokkrum lattébollum. Yndislegt! Um tvöleytið var Hulda orðin þreytt og fór þá heim á leið, ég beið í nokkrar mínútur eftir næstu vinkonu:) Elma mín fagra mætti ljómandi í framan og leit rosalega vel út! Ég fékk mér meira kaffi með henni og meiri andlega næringu. Enda ekki annað hægt þegar maður er nálægt henni, hún gefur alltaf svo mikið af sér þessi elska. Talandi um að gefa....Hún var svo yndisleg að gefa mér og Huldu gjafir, úrval af MAC snyrtivörum:) Ekki slæmt það! Svo fór ég með henni í MAC verlsunina og keypti annan augnskugga, bursta, kinnalit og blýant. Ahhhh....ég elska snyrtivörur. Algjör andleg fullnæging fyrir mig að eignast nýjar snyrtivörur(efnishyggjan og hégóminn alveg að drepa mig:) )

Jæja, þá fór Elma að vinna í verlsuninni og ég rölti yfir í Te og kaffi verlsunina þar sem Ingibjörg mamma Gummsa lummsa er að vinna. Þar fékk ég dýrindis latté(ég var stútfull af koffeini!!!) og keypti byrgðir af kaffibaunum til þess að taka með heim. Gummsi kom svo að ná í mig um fimm leytið, já ég var í 6 klst í Smáranum...., og þá fékk ég loksins að sjá hina óléttu konuna, Árelíu. Ég var svo heppin að nóttina áður hafði bumban á henni ákveðið að stækka skyndilega og er því aðeins farið að sjá á henni:) Frábært!

Elma kláraði að vinna rétt eftir að ég fór úr Smáranum og smalaði saman börnum og manni og kíkti á Rauðalækinn til okkar. Og Hulda Guðrún koma líka. Þar sátum við til að verða átta um kvöldið. Árelía var að fara að vinna og Elma út að borða. Ég fór því bara aðeins ofar á Rauðalækinn til Kolbrúnar, tvíburadrengjanna og Ágústu sem komin var til þess að glirra með okkur hamborgara. Ísar og Hulda og Kristín Guðný kíktu svo líka. Mikið stuð var á strákunum sem fannst rosalega gaman að fá svona marga í heimsókn, Benjamín Ómar fékk lánaða myndavélina mína og tók FULLT af myndum af fólkinu, gólfinu, glugganum, sjónvarpinu og svo nokkrar sjálfsmyndir. Þessar myndir og fleiri úr Reykjavíkurferðinni getið þið séð hér.

Við Kolbrún og Ágústa horfðum svo á myndband frá Brekku sem tekið var upp af Höllu sumarið 1991. Margir voru vægast sagt mjög töff.

Ágústa miskunnaði sig svo yfir mig og leyfði mér að gista í pínulitlu íbúðinni sinni sem er á 5. hæð!!!!! ég var að spá í að gista í síðustu tröppunni....
Mér leið eins og risa inn í þessari skrítnu íbúð. Ég þurfti að beygja mig niður til þess að komast inn á baðherbergi og ef ég vildi standa upprétt við vaskinn þá varð þakglugginn að vera opinn.....

Og nú er ég komin heim í kotið okkar þar sem hátt er til lofts:) Hlynur og Monsa voru búin að sakna mín mikið og voru glöð að fá mig heim aftur.

Endilega kíkið á myndirnar!

Harpa

2006-04-07T15:13:00.000-07:00

Vííííí mér tókst loksins að setja inn myndirnar af sætu baununum Söru Emily og Herði Christan sem komu í heimsókn fyrir mörgum helgum síðan. Hlynur bakaði vöfflur því Sara var búin að tala um það í síðan síðast. Hlyn og lummurnar hans. Hún elskar Hlyn, eins og sést á myndunum. Henni finnst hann skemmtilegur og lummurnar hans eru góðar.

Ég er sem sagt búin að reyna og reyna að setja þær inn á fotki síðuna hjá mér en ekkert gekk. Þannig að ég bjó bara til myndasíðu á Yahoo! og allt gekk að lokum.

Knús

Harpa

2006-04-06T04:48:00.000-07:00

Það er ekki alltaf jafn gott að búa fyrir vestan. Umhverfið er jú æðislegt og fólkið frábært. En stundum verð ég pirruð á litlu vöruúrvali. Nú stendur svo á hjá mér að öll pilsin mín(þið vitið hvað ég er mikil pilsakona) eru ónothæf. Síðasta heila pilsið mitt koma bláblettótt úr þvotti á mánudaginn og síðan ég hef gengið í kjól sem mamma saumaði á mig fyrir mörgum árum. Ég er búin að kíkja í BÁÐAR fatabúðirnar hérna og fæ ekki neitt á mig!!! Þannig að ég neyddist til þess að panta RÁNDÝRT flugfar suður á 18 þús kall til þess að versla mér föt í Hagkaup!!!!! AAAAAAAAAAAAAAAARRGGGG! Ég gæti keypt mér mikið fyrir 18 þús. Og við eigum engan pening.
En jæja, ég fæ þó að kíkja á fólkið fyrir sunnan:) Hulda skulda ætlar að fara með mig í Smáralindina um leið og ég lendi. Elman mín ætlar kannski að hitta okkur þar í kaffi þegar ég hef fundið mér föt, og fyrir utan það að knúsa hana fast þá ætla ég að fjárfesta í augnskugga og sólarpúðri fyrir sumarið hjá henni í MAC. Ég eeeeeeeeeeeeeelllllsssssssssssska MAC! Og hef ég á einhverjar krónur eftir þá kaupi ég kannski eina sneið af unaðslegum geitaosti í Ostahúsinu fyrir okkur Hlyn, nammmmmmmmmmmmm... geeeeeiiiiitaostur(sagt slefandi með Homer Simpson rödd).

Ágústa, Kolbrún, Hulda, Árelía, Begig og Kristín, eigum við ekki frænkast eitthvað um kvöldið. Væri alveg til í að borða saman og sonna:) Hvað segið þið um það?

knús
Harpa

2006-04-01T14:14:00.000-08:00

Ok, Monsa er svolítið fyrir stundum............það þýðir ekkert fyrir mig að prjóna, hef ekki náð að gera eina einustu lykkju síðan hún kom á heimilið. Henni þykir nefnilega garn vera rooooooosalega skemmtilegt....hrmmmph. Og nú er ég að reyna að byrja að teikna aftur, búin að fjárfesta í bókum um anatómíu, teikningu og akrýlmálun, fullt af blýöntum í öllum styrkleikum, kol, blokkir og svo framvegis. Svo sit ég hér ein heima, búin að draga þetta dót fram, fá mér rauðvínsglas, ná í módelkallinn minn(sem Monsu þykir líka svona rosalega spennandi, sleikir hann og hrindir í gólfið...) og svo reynir hún að elta blýantinn þar sem hann rennur yfir pappírinn. Arg. Ég lagði bara blýantinn frá mér og fór leika mér á netinu....og að sjálfsögðu hoppaði hún upp til mín og liggur nú á handleggnum á mér á meðan ég skrifa.

En hún er svo yndisleg að henni er allt fyrirgefið undir eins.

Dagurinn var frekar tíðindalítill annars, letikastaðist(it´s að word...) aðeins, verslaði, þreif íbúðina og horfði á nokkra “the L word” þætti. Var eiginlega bara frekar nördaleg. Monsa fór í fýlu við ryksuguna vondu en kættist stuttu síðar þegar ég tók fram skúringamoppuna, þær eru miklar vinkonur....

Njótið kvöldis!

2006-03-31T02:06:00.000-08:00

Braaaaaaaa......

Monsa mín var í aðgerð í gær:( Við létum sem sagt taka hana úr sambandi og með þeirri aðgerð fylgdi ormahreinsun og eyrnamerking.
Ég setti hana í ferðabúrið sitt um morguninn og um leið og við komum út í hundleiðinlegt veður fór hún að væla og var skíthrædd greyið litla. Vældi og vældi og reyndi að troða trýninu og loppunum út um öll göt. En um leið við komum á stofuna hætti hún að væla sem betur fer. Ég hefði ekki haft hjarta til þess að skilja hana eftir eina vælandi:(
Svo þegar ég náði í hana eftir vinnu þá var hún hálf vönkuð eftir svæfinguna og vældi lágt og titraði af hræðslu. En um leið og við komum heim hætti hún því, þar kannaðist hún við sig. Hún ráfaði um eins og drukkin, vissi ekkert hvað hún átti að gera, reyndi að stökkva upp í glugga en hitti ekki..... Oh hún var svo lítil og sæt! Og hún fékk að sofa á milli okkar í nótt, hún var mjög ánægð með það:)

Ég held að ég sé andsetin....Hlynur heldur það örugglega líka......
Mig dreymdi draug í nótt. Ég man ekki alveg smáatriðin en ég var stödd í einhverju húsi og var að segja einhverju fólki frá því að það væri draugur staddur hjá okkur. Og að hann væri líklega dáinn því hann væri blár....útskýrði fyrir þeim spekingslega að ef hann væri rauður þá væri hann lifandi draugur....hmmmmmm. Þá hóf draugurinn blái upp rödd sína og sagði með skerí rödd " ég er liiiiiiifandiiiiii" Og hann sagði þetta í gegnum mig því Hlynur greyið vaknaði skelfingu lostin upp við mig þar sem frá mér heyrðust hryllileg hljóð og ég fann líka hvernig mér leið eins og ég væri andsetin!! Úff, Hlynur hrópaði á mig til að vekja mig og svo þurfti hann að halda utan um mig í smá tíma því ég var svo skelkuð! Ég er klikkuð.

Nú verð ég aaaaaaaaaaaaaalein heima um helgina þar sem Hlynur er að fara suður á landsþing slökkvilið og sjúkraflutningamanna. Hann er í loftinu núna og kemur aftur á sunnudaginn. Sniff sniff:( Endilega kíkið í heimsókn.....

Harpan með ópalhjartað...

2006-03-28T02:38:00.000-08:00

Þessi yndislegi drengur á 12 ára afmæli í dag. Til hamingju með daginn Jakob!! Ég vona að þú eigir skemmtilegan afmælisdag:)

Mikið rosalega líður tíminn hratt! Mér finnst ekki vera 12 ár síðan ég fór fyrst til Danmerkur.... Nákvæmlega 12 ár og 2 dagar !! Ég lenti á Kastrup flugvelli þann 26. mars 1994 og þar var móttökunefndin mætt, KASólett Íris systir og Óli spúsi hennar. Og þar sem ég hafði aldrei komið til Danmerkur áður var farið með mig á tveimur jafnfljótum út um allt næstu 2 daga.
Lúin Harpa svaf vært á svefnsófanum fram í stofu að morgni 28. mars, og þegar ég segi vært þá meina ég vært....hehehehehheh Ég á sko aldrei eftir að gleyma draumi þeirrar góðu nóttar! Mig dreymdi sem sagt að ég væri á kampavínsfylleríi með Chippindales-gaurunum!!!! Hahahahhahahahhahahahahhahahhahhahahaha!!!!!!! Og af þeim draumi var ég vakin mjúklega af Írisi sem sagði ofur rólega og blíðlega "jæja, nú er ég að fara að eignast barn..." Ég horfði á hana og Óla með mikilli vantrú í augum því þau röltu bara rólega um, pökkuðu og settust svo niður að kósí morgunverðarborði. Ég var sko ekki alveg að trúa þessu því samkvæmt minni reynslu, sem ég fékk að sjálfsögðu beint úr sjónvarpinu, verður allt hreinlega kolvitlaust um leið og ólétta konan fær fyrstu verkina ! Konan öskrar á manninn og maðurinn hleypur um í panikkasti, hendist út í bíl, klessir jafnvel á nokkra bíla á leið á sjúkrahúsið. En nei, þau bara salíróleg!! Hringja á leigubíl eftir einhverja stund þegar verkirnir eru farnir að koma með stuttu millibili og ég skilin eftir á leið að passa systurdóttur Óla.
Eftir eilífðarbið að okkur fannst, hringdi Óli um kvöldið og sagði okkur að drengur væri fæddur:)
Og nú er hann orðinn 12 ára!! Vá hvað þetta líður fljótt!
Enn og aftur til hamingju fallegi Jakob, mikið vildi ég að ég gæti knúsað þig fast !!

kveðja Harpa

2006-03-24T14:56:00.000-08:00

Skrifað í gærkvöldi, fimmtudagskvöld:

Blogg blogg bloggerí blogg....

Netið hjá okkur hefur verið í algjöru fo***! Þess vegna hef ég eiginlega ekki nennt að reyna að blogga. Við erum að reyna að skipta yfir í Hive en Síminn reynir að gera okkur erfitt fyrir. En okkur skal takast það!

Á mánudagskvöldið hélt ég Frientex kynningu að Sólbakka 6, Flateyri. Gógó krútt var gestgjafinn og þar sem hún á svo marga vini mættu rúmlega 30 konur á kynningunaJ Það var gjörsamlega mjög skemmtileg. Fullt af ólíkum konum, á mismunandi aldurskeiði, mismunandi þjóðerni og með mismunandi fatastíl. Rosalega gaman. Takk Gógó mín! Eina vandamálið hjá mér var að ég gat ekki sent pöntunina frá mánudagskvöldinu fyrr en í dag út af helv netinu. Andsk helv djöf.....

Annars er ekki mikið að frétta frekar en venjulega, lífið bara gengur.

Reyndar fór ég á þessa fundi á mánudeginum sem ég var búin að segja ykkur frá. Fyrri fundurinn var ágætur, ég spallaði við gaur frá Bifröst sem sagði að hugsanlegt væri að frumgreinadeildinni yrði skipt í 2 ár í stað tveggja anna ef farið yrði í fjarkennslu þar sem meirihluti þeirra sem sóttu um það nám síðast hér væru í vinnu og gætu ekki hætt að vinna til þess að fara að læra. Eins og ég. Ég gæti ekki hætt að vinna. Þannig að námið þarf að koma til mín ef svo má segja.

Svo talaði ég við skrifstofustjóra Listaháskóla Íslands. Að fara í þann skóla er eitthvað sem ég myndi reyna við ef ég skuldaði minna og hefði meiri trú á sjálfri mér. Sem ég hef ekki í bili en er að reyna að vinna í.

Seinni fundurinn var.....hmmmm...mjög erfiður, en jafnframt frábær. Ég fór ein þar sem Hlynur minn var lasinn, það var eiginlega svolítið erfitt því það voru ekki svo margir, rúmlega 20 manns, og allir virtust vera með einhverjum. En ég hristi það bara af mér. Ég fór með það í huga að segja frá þessu fyrsta skipti sem ég fór á Stígamót en skipti um skoðun OFT á meðan á fundinum stóð. Ég ákvað að lokum segja frá, því að þó það væri ekki nema ein manneskja þarna inni sem væri í vafa um að leita sér hjálpar hjá þessum yndislegu manneskjum hjá Stígamótum að þá yrði ég að tala ef það hjálpaði til. Ó mæ god, munnþurrkur dauðans og skjálfti tók við þegar ég labbaði upp og þegar á leið þá gat ég varla talað vegna þess að ALLAN vökva vantaði í munninn á mér. Furðulegt hvernig stressið virkar á líkamann. En ég komst í gegnum þetta og gekk bara vel. Skráði mig í sjálfsstyrkingarhóp sem byrjar eftir páska vonandi.

Þetta var ótrúlega hreinsandi. Ég var í 2 ár á Stígamótum í einka viðtölum og nýtti mér aldrei þessa hópa sem í gangi voru. Ég hætti þegar mamma dó og hef ekki farið síðan en alltaf haldið að þetta væri eitthvað sem ég þyrfti ekki að fást við framar. Mikið virðist ég hafa haft rangt fyrir mér. Púff.

Jæja elsku dúllurnar mínar, ég sendi öllum stór knús! Ætla að reyna koma Monsu litlu krúttinsprúttu í bælið sitt og svo mér í bælið mittJ

Knús knús knús

Harpa

2006-03-17T00:57:00.000-08:00

blogga já.....hmmm það er svo lítið að frétta.

ég er að fara á opinn fund í dag kl 17 þar sem Guðrún Jónsdóttir frá Stígamótum mun koma og kynna starfsemi þeirra og hrinda af stað fyrirhuguðum sjálfstyrkingarhópum hér fyrir vestan. Ég segi nú bara loksins! Það er að sjálfsögðu brýn þörf fyrir þetta hér eins og allsstaðar annarsstaðar.

Fyrr um daginn ætla ég að reyna að ná að fara á fund þar sem háskólanám á Vestfjörðum verður kynnt. Hann er reyndar kl 15 og ég ekki búin að vinna fyrr en 16 en kannski ég nái í endann á honum. Örugglega eitthvað spennandi í boði:)

já annars er nú ekki mikið að gerast hjá okkur, Hlynur er búin að vera pestarangi síðustu daga og er því bara heima með Monsu sem er afar glöð yfir því. Svo bíður hann bara eftir skemmtilegasta degi sumarsins, tónleikur Roger Waters í Egilshöll. Búinn að panta sér miða og alles, svo fer um hann skjálfti þegar hann heyrir tónleika auglýsta, honum hlakkar svo til:)

æ púff, krakkar mínir og Geiri, ég er bara svo andlaus eitthvað, það kemur ekkert upp í huga minn sem ég nenni að skrifa.
Kannski ég verði duglegri um helgina eftir að Lísbet og Eric kíkja með englana sína í vöfflur, þau gefa manni alltaf svo mikið af sér þessar elskur:)

knús
Harpa

2006-03-04T13:21:00.000-08:00

hér eru myndir frá gærkvöldinu góða: http://public.fotki.com/slagharpa/yndislegur!/

2006-03-03T18:34:00.000-08:00

Æðisleg vika og hún er ekki búin!

Já þessi vika hefur verið alveg yndisleg! Heilsuvika í vinnunni með fyrirlestrum á hverjum degi, hollum mat og skemmtilegu fólki.
Ég eignaðist þrennar buxur allt í einu frá Addý sem ég er að vinna með, ég hef verið að leita að buxum í margar vikur og svo átti hún bara nokkrar upp í skáp sem hún notar ekki!! Ég átti ENGAR!!!!!

Ég pantaði fullt af nýjum fötum fyrir mig frá Friendtex enda virkilega kominn tími til þess að koma með eitthvað nýtt.

En langbesta kvöldið var í kvöld skal ég segja ykkur. Ég trúi því ekki hvað ég er heppin að hafa kynnst honum Hlyni mínum! Hann kom mér svo yndislega á óvart í kvöld, ég á ekki orð. Það byrjaði í gær eftir vinnu þegar hann spurði mig hvort ég væri að gera eitthvað kl 17 í dag, föstudag. Ég sagði nei, hann sagði “jú þú ert að fara í andlitsbað”!! Ómægod hvað það var geðveikt!!!

Þegar ég rölti heim eftir andlitsbaðið velti ég fyrir mér hvað við ættum að borða í kvöldmat og þar sem klukkan var orðin svo margt og ég glooooooorrhungruð hugsaði ég með mér að við yrðum bara að ná okkur í eitthvað að borða, pizzu eller......
To my surprise, þegar ég kom heim mætti mér sveittur Hlynur. Hann var sem sagt búinn að vinna á hádegi í dag, kom heim kl 13 og næstu 6 ½ klst eyddi hann í að undirbúa kvöldið. Innbakaðar nautalundir með piparosti og hunangsskinku, sveppasósa, salat með jarðaberjum, rauðvín, kertaljós og yndisleg tónlist. Y-N-D-I-S-L-E-G-T!! Eftir að við vorum búin að borða spiluðum við aðeins, ég vann..... Þá bar hann sykurlausa súkkulaðimús með jarðaberjum á borð, oh svooooooooooooooooo gooooooott!!

Eftir að hafa setið svo og spjallað og hlustað á tónlist í smátíma fórum við út í göngutúr, náðum okkur í góðann kaffibolla, ég náði mér i vælumynd, röltum svo heim og höfðum það svo náðugt. Halldór Gunnar frændi var að koma að sunnan svo að Hlynur skrapp á Langa Manga að fá sér öllara með honum og ég sit hér í rólegheitum með Monsu krútt á milli handanna að pikka þetta inn. Krútt.

By the way, “Must Love Dogs” er mjöööööööög lítið spennandi.........

Jæja, nú ætla ég að knúsa Monsu svoldið og fara svo í rúmiðJ

Knúúúúúúússsssssssssssssssssss Harpa

2006-02-27T13:24:00.000-08:00

Komnar nýjar myndir, vesgú:)

2006-02-25T14:28:00.000-08:00

Jæja, þá höfum upplifað það að fara á þorrablót í Holti. Við vorum mætt á svæðið á slaginu átta og fljótlega upp úr því hófst borðhaldið. Byrjað var á því að syngja eitthvað lag sem ég kunni ekki og stóð ég því og hreyfði bara varirnar. Í matinn var týpískur þorramatur og ekkert þar fyrir utan. Og þar sem ekki var bar á svæðinu þá komu allir með sínar eigin guðaveigar. Ekkert nema gott mál.
Skemmtiatriðin voru nokkuð góð, annállinn hennar Höllu að sjálfsögðu drepfyndinn en það sem sló öllu við var lokaatriðið þegar Erna á Vöðlum söng Silvíu Náttar, í sokkabuxum, samfellu, með kórónu á höfði og svona tjúll eitthvað um hálsinn!! Maggi á Hóli og Valdi í Varmadal léku hlutverk dansaranna tveggja, í engu nema gulum broskallanærbuxum, jakkafatajökkum og með sólgleraugu! Kolla í Hjarðadal, Ebba á Hóli og Nilma kona Valda, voru bakraddir. Þetta var ekkert nema stórkostlegt!!!! Ég legg til að við sendum þau í Júróvisjón!
Svo var planið að vera bara með karókí......við lítinn fögnuð viðstaddra....eftir örfá lög tók Hjónabandið því við sviðinu og spiluðu undir dansi langt fram eftir nóttu.
Og það var drukkið og dansað og spjallað og borðað aðeins meira og að sjálfsögðu drukkið enn meira....
Við fengum Ástu í Tröð til að skutla okkur svo heim um fjögurleytið. Alsæl með kvöldiðJ

Eins og gefur að skilja fór dagurinn í dag aðallega í það að stynja af þynnku öðru hvoru, rölta í búð og bakarí eftir vistum, skríða heim aftur og leggjast upp í sófa og hreyfa sig sem minnst.......ojjjjjjj.....

Jæja nú ætlum við fjölskyldan að horfa á einhverja hryllingsmynd og fara svo í bælið með þeirri von að morgundagurinn verði aðeins heilsusamlegri en dagurinn í dag og gær. Gangi okkur vel.

Good night, don´t let the bed bugs bite......
Harpa

Ð

2006-02-24T04:47:00.000-08:00

Við systurnar vorum samtaka í að gera huggulegt hjá okkur í gær, reyndar hringdi ég ekkert í Írisi en ég er handviss um að allt hafi verið glimrandi fínt:)

Ég hitta pabba labba og Dóru á leiðinni heim úr vinnu og tók ég þau með mér heim og seldi Dóru flottann leðurjakka frá Friendtex, alltaf að græða:) Þau fóru svo rakleiðis heim með bollur úr bakaríinu. nammmmm........
Um sexleytið fór Hlynur með mig út í göngutúr um bæinn, við borðuðum á Fernandos gríðarlega góða hamborgara og röltum svo tilbaka með heitt kaffi í hönd. Oh við erum svo miklar rúsínur! Þegar heim var komið höfðum við það hrikalega notarlegt með mestu rúsínunni á heimilinu henni Monsu. Okkur þykir miður hvað hún er lítil og nett því stundum er hún svo hrikalega mikil dúlla að helst vildum við taka hana upp og kreista fast! Það bara er ekki hægt.....annars kremjum við hana bara....og ekki viljum við það! Við verðum því bara að bíta á jaxlinn.

Í kvöld förum við á Þorrablót Önfirðinga í Holti. Jóhannes bróðir Hlyns og hans fjölskylda kom að sunnan til þess að skemmta sér með okkur hinum og verða því öll systkyni Hlyns á fyllerií í kvöld. Gaman að því:)

jæja krúttinsprúttur back to work....
Harpa

2006-02-23T03:51:00.000-08:00

Til hamingju mamma mín.

Mamma hefði orðið 55 ára í dag, ótrúlegt hvað tíminn líður. Mig langar til þess að gera eitthvað í tilefni dagsins en bara veit ekki hvað. Kannski ég búi mér til smá mömmustund þegar ég kem heim. Læt renna í bað með góðri lykt, kveiki á kertum, set Júpiters á eða Strauss valsa og geri svo mig og heimilið huggulegt í anda mömmu. Það var alltaf góð lykt af henni, hún var alltaf mjúk, og heimilið var alltaf hlýlegt, svona þegar við systurnar vorum ekki að drasla til....

Kristín Guðný og Ólöf María birtust hérna óvænt áðan með Ólínu Öddu og færðu þær mér fallega rós í tilefni dagsins þessar elskur! Takk fyrir mig! Við Hlynur og Monsa fáum það heiðurshlutverk að passa litla krílið á sunnudaginn á meðan Kristín fer á leiksýningu:) Ég hlakka mikið til:) Samt verð ég að passa mig því Árelía varð ófrísk þegar hún og Gummi pössuðu Ólöfu síðast.......híhíhí

jæja ljúflingar, ég vona að þið eigið fallegan dag
knús
Harpa

2006-02-22T06:52:00.000-08:00

Börn, þunglyndi, svefn, hiti, þakklæti.... þessi orð koma fyrir í þessari færslu.

Ég fór til læknis í gær, bara svona almennt spjall. Hann var ánægður með að lyfin væru að virka vel. Ég er sem sagt á háum skammti af þunglyndislyfjum og hef verið í tæp tvö ár. Tók smá tíma að finna rétta skammtinn. Án lyfjanna er ég ekki ekkert. Ég fann rosalega fyrir því núna um daginn þegar ég gleymdi að endurnýja birgðirnar mínar á föstudegi og tók því bara hálfan skammt á laugardegi og sunnudegi og fékk svo ekki neitt fyrr en seinnipartinn á mánudegi. Mánudagurinn var hræðilegur. Ljósnæmni, sljóleiki, og gríðarleg depurð. Það var nákvæmlega ekkert að mér, ekkert sem ég var að hugsa um, ekki neikvæð, ekki neitt. Svona virkar bara þunglyndið, þú bara ert döpur. Gráti nær allan daginn, Grætur þegar þú kemur heim úr vinnu. Ég var ekki langt frá því að fara heim úr vinnunni því ég var hrædd um að fara að grenja þá og þegar. Af því bara. púff.
Að sjálfsögðu get ég ekki verið á lyfjunum einum saman endalaust, maður þarf að vinna að því að lifa með þunglyndinu, stjórna því sjálf, hreyfa mig, tala, borða rétt og allt það. En ég hef látið það of aftarlega í forgangsröðina. Ég er sátt á meðan ég græt ekki á kvöldin eins og ég gerði. Ég er ákaflega ánægð fallegu íbúðina okkar, yndislegu Monsu mína og enn yndislegri Hlyn minn. Ég er þakklát fyrir að vera ekki með alvarlegri geðsjúkdóm, og fyrir að vera með sjón og heyrn og sæmilega hreyfigetu. Ég er þakklát fyrir það að búa ekki í stríðshráðu landi eða þar sem hungursneyð eða alnæmi herjar á hvert einasta heimili.

Læknirinn spurði mig hvort við værum ekkert á leiðinni að eignast börn. Nei sagði ég, við vorum að fá okkur kisu og verður það að nægja í bili:) Ekki misskilja mig, okkur Hlyni hlakkar mikið til þess að eignast börn ef við getum. Við höfum samt sem áður tekið þá ákvörðun að bíða aðeins, það er heldur ekkert verra að vera dáldið eldri þegar krílið kemur inn á heimilið. Við viljum geta lagað fjármálin hjá okkur eitthvað aðeins áður en við leggjum í þann pakka. Það á eftir að taka að minnsta kosti 1-2 ár í viðbót að hafa efni á því að fá minni tekjur en auka útgjöld.......Þar fyrir utan vil ég ekki bjóða barninu upp á hálfklikkaða mömmu.....verð því að fara vinna í sálarlífinu:)

Var það ekki eitthvað fleira....jú svefn...
Ég fékk þessa svakalegu martröð(martraðir og gríðarleg hitaköst sí og æ eru aukaverkun lyfjanna...), mig dreymdi Brekku(sveitin mín fyrir þá sem ekki vita). Ég var inni ásamt einhverju fólki og allt var frekar mikið í niðurníslu. Við sáum að það var farið að molna niður úr loftinu niðri í hundageymslu og allt í einu heyrðust þvílíkir brestir og við flýttum okkur öll út. Þá man ég að mamma var þarna, og Sigríður sýslumaður, yfirmaður minn, Eydís frænka og fleiri. Það var dimmt úti og frekar napurlegt. Sigríður segist þá verða að fara inn til þess að kanna aðstæður, ég grátbið hana um að gera það ekki því húsið virtist að hruni komið. En hún var ákveðin og fór samt. Ég fylgdist grannt með henni ganga hægt um húsið en þegar hún kom inn á baðherbergi uppi þá hrundi smá hluti af húsinu og hún hvarf. Allir þustu að húsinu og ég sá svo þegar helmingur af húsinu hrundi og á mömmu og Eydísi að mig minnir. Allavega man ég sá að mamma dó. Á þessum punkti í draumnum leið mér svo illa að frá mér koma svona kæfður grátur/öskur og það virtist hafa skilað sér í raunveruleikann því Hlynur vakti mig greyið hálfskelkaður eins og hann er alltaf þegar mig dreymir svona illa því ég á það til að öskra soldið hátt og vekja hann:) Það tók mig smástund að róast niður og hann hélt utan um mig á meðan. Svo sofnaði ég vært. Ahbú.

Þessar martraðir stafa ekki af vanlíðan eða neinu sem ég hef áhyggjur af, þetta eru bara aukaverkanir af lyfjunum og gerist öðru hvoru.

jæja ætla að snúa mér að öðrum verkefnum sem bíða mín:)

knús og kossar yndislega fólk!
Harpa skarpa

2006-02-20T10:01:00.000-08:00

prufa

2006-02-20T10:00:00.000-08:00

afrup

2006-02-20T01:06:00.000-08:00

hmmm....ég ætla að reyna þetta, skrifa færslu inn í vinnunni. Ég er nefnilega búin að skrifa nokkrar færslur síðan síðast en það hefur bara ekkert gengið að setja þær inn!! Tölvan mín hlýtur að vera eitthvað klikkuð aftur. :( Allavega sé ég að Ísar(takk fyrir smsið í gær!) getur bloggað eins og ekkert sé, dag eftir dag og jafnvel oft á dag ef þannig liggur á honum.

Anyway, hratt yfir sögu.
Ég hélt heimakynningu hjá Helgu Dóru á föstudaginn fyrir rúmri viku. Barðist í gegnum óveðrið sem rústaði Flateyri:)
Fatasláin kom loksins og það tók sko sinn tíma að setja hana saman þakka þér kærlega fyrir kaffið! Ási tók það að sér eftir að við Ásta höfðum barist við slánna í lengri tíma án árangurs, það sem við settum saman líktist ekki fataslá.....
Kynningin gekk vel, bauð konunum upp á freyðivín og Helga gerði gómsætan eftirrétt.
Ég var komin heim um hálfellefu eftir að hafa farið að ná mér í eitthvað að horfa á því ég var ein heima greyið, Hlynur var fastur fyrir sunnan þar sem hann hafði farið í sjúkraflug fyrr um morguninn og veðrið versnaði svo mikið að ekki var hægt að fljúga tilbaka. Ég og Monsa sátum því einar og söknuðum hans.

Pabbi labbi og Dóra eru komin heim frá Egyptalandi og eru alsæl. Reyndar búin að vera hundveik síðan þau komu heim....Við kíktum til þeirra í gær með blóm fyrir Dóru í tilefni konudags, stoppuðum fyrst hjá ömmu hans Hlyns með smá blóm.
Hlynur færði mér blóm, lítinn bangsa og baðbombu í tilefni dagsins og fórum við svo út að borða á Hótelinu í gærkvöldi. Rosalega gaman. Fengum okkur humar í forrétt og martini í fordrykk, hann fékk sér hægeldaðar nautalundir í piparsósu og ég fékk mér kjúklingabringur með pestói og rósmarín, nammmmm..... Rauðvín með matnum, kaffi og víski eftir mat. Allt þetta fengum við á hálfvirði, fyrir utan vínið. Keyptum nefnilega blóm á föstudaginn og fengum 2 fyrir 1 á hótelið. Sátum til rúmlega níu og röltum þá í Hamraborg þar sem við hittum Ólaf og Kötu sem voru á leið að fá sér konudagskaffibolla á Fernandos. Við fjögur ákváðum að fara á þorrablótið í Holti sem er á næstu helgi, púff stöðugt fyllerí er þetta á manni!

Þetta verður ekki lengra að sinni, langaði bara að bulla eitthvað hérna inn fyrir ykkur.....verður kannski dýpra næst, hver veit.
Harpa

2006-02-08T05:06:00.000-08:00

Jæja, þá er fyrsta heimakynningin búin. Ég var búin að vinna kl 16, hljóp þá heim og byrjaði sveitt að undirbúa kvöldið. Ásta frænka var svo yndisleg að koma að hjálpa okkur því við áttum eftir að gera ALLT! Þrífa alla íbúðina, versla í Bónus, Samkaup og ríkinu. Fara með ruslakassa inn í Funa, Taka fötin upp úr kössum og koma þeim fyrir, MIKIÐ af fötum, allt í plasti. Kellurnar mættur kátar upp úr átta, þó komust ekki nema fjórar í þetta sinn en það var samt voða gaman. Í boði var freyðivín, hvítvín og rauðvín, niðurskorið grænmeti með ídýfu og melóna. Engin fékk sér rautt eða hvítt því allar voru þær á bíl:( Við stöndum því uppi eina rauða, eina hvíta og eina freyðivín........ og fullt af grænmeti, mætti halda að ég hefði átt von á 100 manns!
Þar sem ég var ekki búin að fá fataslánna frá Ikea þá þurfti ég að legga öll fötin í stöflum upp á borðstofuborðið mitt sem ég lengdi bara. Ekki svo gott að skoða föt þannig en það verður bara betra næst.
Svo á ég von á tveimur konum í dag eftir vinnu sem ætla að skoða, þær eru að fara á þorrablót um helgina og vantar eitthvað fínt:)

Á miðvikudaginn næsta verður líklega kynning hjá Helgu Dóru og svo er ekki komin dagsetning á aðra sem Anna vinnufélagi ætlar að halda.
Úff, bara brjálað að gera! Gaman gaman!

Jæja lovlís, bidd að heilsa
Harpa

2006-02-05T11:26:00.000-08:00

Fullt af myndum frá Stútungi komnar inn og nokkrar af heimsókn Ágústu þegar hún kom vestur á föstudaginn.

2006-02-03T04:26:00.000-08:00

Stútungur á laugardaginn, veiiiiiiii!! Ágústa kemur á eftir, veiiiiiiiiiiiiiiiiiiiiiiii!!!!!!! Eins gott að það verði flogið!

Jamms, annars er nú ekki mikið að frétta. Jú, kannski þetta bara: ég ætla að prófa að gerast söluaðili Friendtex, kíkið á www.friendtex.is, til að sjá um hvað ræðir. Þetta eru sem sagt föt og aukahlutir, venjulegar stærðir og upp í 52 eða 4xl. Ég fæ fyrstu sendinguna í dag, tvo kassa og tvær töskur fullar af flottum fötum. Og þetta er sem sagt bara selt í heimakynningum:) Fyrsta heimakynningin verður bara heima hjá mér og í tilefni af því þá ætla ég að bjóða upp á freyðivín/rauðvín(vann rauðvínspottinn í vinnunni:) ) og með því:) Fylla allar konurnar og láta þær kaupa upp lagerinn, hehehehehehe!! En sem sagt þeir sem lesa þetta hérna fyrir vestan geta beðið um að ég komi og haldi heimakynningu. Þeir sem bjóðast til þess fá 10-20% afslátt af því sem þeir kaupa:) Koma svo! Helga Dóra vildi endilega fá mig heim með kynningu og ætlar að biðja Guðný um vera með snyrtivörukynningu í leiðinni. Snilld! Total makeover:)
Ég vona bara að þetta eigi eftir að ganga vel.

Jæja, back to work.
Harpa

2006-02-01T00:53:00.000-08:00

Tölvan var í yfirhalningu, yfirfull af vírusum og ógeði. Vona að hún sé búin að jafna sig og leyfi mér að blogga í friði.

Já Hlynur minn húsasmiðurinn, komst sem sagt ekki heim á sunnudagsins sökum veðurs. En ég náði í hann á mánudagsmorgninum, kyssti hann og knúsaði á flugvellinum og skilaði honum svo heim á meðan ég kláraði vinnudaginn. Ég eldaði handa honum kjúklingaréttinn sem var STERKUR, gaf honum gott hvítvín og svo spiluðum við það sem eftir lifði kvölds. Ljúft.

Á næstu helgi er komið að Stútungi hinum langþráða. Ágústa mín kemur fljúgandi á föstudaginn og ætla ég að fara með hana þrábeinustu leið á kaffihús ! Jibbííííí!! Hlakka mikið til að fá hana vestur, eins gott að það verði flogið !

Jæja, ætla ekki að skrifa mikið núna, enda í vinnunni, ussssss........
knús
Harpa

2006-01-31T13:13:00.000-08:00

Hlynur er kominn heim!:) Jíha!

2006-01-29T13:47:00.000-08:00

Úff, loksins kominn föstudagur. Brjálað að gera í vinnunni í dag, sem er alltaf gaman.

Hlynur byrjaði í sveinsprófinu í morgun og fékk hann það verkefni að smíða beinann stiga með handriði. Hann var mjög sáttur við það þessi elska og þegar ég talaði við hann í dag þegar hann var búinn með fyrsta daginn lá bara vel á honum. Hann er hálfnaður með verkið og er að gera sér vonir um að geta klárað seinnipartinn á morgun:) Sem er geggjað því þá kemur hann heim með fyrri vél á sunnudaginn en ekki seinni vélinni. Ótrúlega hlökkum við Monsa til að fá hann heim! Ég ætla að elda handa honum indverskan kjúklingarétt á sunnudagskvöldið og gefa honum smá útskriftargjöf.

Eftir vinnu í dag rölti ég við í Bókhlöðunni til að kíkja á bókaútsöluna sem er þar í gangi. Ég sá ekkert sem mig langaði í á útsölunni sjálfri en í rekkanum fyrir erlendar skáldsögur fann ég nýjustu bók Paulo Coelho. Ég vissi ekki einu sinni að komin væri út ný bók!! Bókin, sem heitir "Zahir" kostaði aðeins 1395 kr. og því gat ég ekki staðist freistinguna! Þetta er nefnilega uppáhaldshöfundurinn minn. Ég er búin að lesa flestar bækurnar hans, byrjaði á Veronica desides to die, sem er ÆÐISLEG! Hún fjallar um konu sem hefur ákveðið að taka sitt eigið líf, leigir sér hótelherbergi, tekur fullt af pillum og sofnar. Hún vaknar, lifandi, á sjúkrahúsi þar sem henni er sagt að hún eigi aðeins örfáa daga eftir ólifaða af því að allar þessar pillur skemmdu í henni hjartað. Ég segi ekki meir því það eiga allir að lesa þessa bók! Næsta bók sem ég las var Alcemistinn, sem er SSSSSSSTÓÓÓRKOSTLEG! Báðar þessar bækur fá mann til þess að hugsa, BIG TIME!

Eins og ég hef örugglega sagt einhverjum af ykkur, kæru lesendur, þá elska ég þessa tilfinningu sem springur út þegar maður finnur eitthvað svona ótrúlega dýrmætt, eitthvað sem maður gleymir aldrei, mómentið þegar maður finnur það er svo geggjað. T.d þegar ég las þessar bækur, eða keypti mér diskinn með Al Green og keyrði inn einhverja götu, lagði, setti diskinn í og sat svo gjörsamlega með þungan andadrátt af gleði yfir þessum fallega söng. Ég keypti örugglega upp lagerinn af þessum diski í Skífunni og gaf þeim sem ég vissi kynnu að meta þetta. Ekki nein ástæða til gjafa, bara af því bara. Þetta eru vissulega veraldlegir hlutir en tilfinningin sem þeir draga fram er ótrúleg. Gagntekur mann alveg.

Sem er ótrúlega merkilegt því að heiti þessarar bókar "zahir", lýsir eiginlega þessari tilfinningu, zahir er kannski eitthvað viðameira en samt, gefur einhverja mynd af þessari orku sem maður fær.

Tekið úr bókinni:

According to the writer Jorge Louis Borges, the idea of the Zahir comes from Islamic tradition and is thought to have arisen at some point in the eighteenth century. Zahir, in Arabic, means visible , present, incapable of going unnoticed. It is someone or something which, once we have com in contact with them or it, gradually occupies our every thought, until we can think of nothing else. This can be considered either a state of holiness og of madness.

Þangað til næst, njótið kvöldsins.....
Harpa

2006-01-27T03:38:00.000-08:00

Skrifað í gærkvöldi.....

Ekki á morgun, ekki hinn heldur hinn kemur Hlynur minn heim! Monsa ræður sér ekki fyrir spenningi!

Anyway. Ég er vön því að þegar eitthvað merkilegt er að frétta í þessari stóru Brekkufjölskyldu að þá veit ég alltaf að þegar sagan er komin til mín þá er hún orðin dáldið svona old news. Með einni undantekningu. Hulda Guðrún er ALLTAF síðust til að heyra söguna. Eins og til dæmis með Árelíu og Gumma. Árelía hringdi í mig flissandi nánast því þegar hún var nýbúin að pissa á prikið til þess að segja mér að hún væri ólétt!!!! Já hún er með lítið móðubarn í maganum! Hrikalega rosalega mega ýkt geðveikt! Ég að sjálfsögðu var látin sverja þess eið að segja ekki nokkurri sálu frá þessu. Hún ætlaði nefnilega ekki að segja neinum öðrum þetta strax.....´nema systkynum og foreldrum.....og hugsanlega Ágústu.....og Kolbrúnu....og svo framvegis. Áður en ég gat sagt úti er alltaf að snjóa þá vissu allir um litla krílið sem hvílir í mallanum hennar.Nema Hulda. Og ég að sjálfsögðu hringdi í hana og sagði henni fréttina. Fyrst allra að sjálfsögðu. HA!

EEEEEENNNNNNN....Fyrir rúmlega(minnir mig) tveim vikum síðan hringdi Hulda Guðrún í mig til þess að segja mér að hún væri komin 8 vikur á leið!!!!!!!!!! GEÐVEIKT!! Og ég skrifaði undir í blóði samning þess efnis að segja ekki neinum fyrr en í byrjun febrúar. Og í tvær vikur fékk ég martraðir um það að ég missti fréttina óvart út úr mér við einhvern. Nema hvað, Hulda talaði við Rúnu frænku í dag, sem er vinnuveitandi hennar líka fyrir þá sem ekki vita, og sagði henni frá þessu. Og innan 30 mínútna var þetta komið út um ALLA fjölskyldu! Og ég fæ ekki að segja neinum þessar fréttir!!!! Af því að Hulda og Ísar eru þau sem sagan snýst um! ARG. Þannig að ég ætla að vera sú fyrsta sem setur þessar tvær yndislegu fréttir á VERALDARvefinn! Nú veit allur heimurinn þetta!!! HA!

aaaaanyway.ég ætla að halda áfram að telja niður sekúndurnar þangað til Hlynur minn kemur heim 48029384102983019283409128 sek.....

þangað til næst....njótið kvöldsins!
Hörpulíus

2006-01-26T13:38:00.000-08:00

Þessi færsla var skrifuð á þriðjudagskvöldið en komst ekki inn fyrr en núna vegna tæknilegra andskotans örðugleika!

5 dagar þangað til Hlynur minn kemur heim! Allt of langt. Ég vil fá hann heim NÚNA!

Prófið er byrjar á föstudagsmorgun og því lýkur á hádegi á sunnudaginn. Svo kemur hann heim með seinni vélinni ef guð og veður lofar.....Jibbý! Ég hlakka svo mikið til að fá að knúsa hann. Og ég held að Monsa geti ekki beðið heldur.

Ég fór í gæludýrabúðina í dag og keypti handa henni tvæ loðnar litlar mýs(leikföng....), prik með mjúkum dúsk á öðrum endanum og kisunammi sem eru pínulítil hjörtu með kjúklingabragði.... Og ég hlakkaði svo til að koma heim að gefa henni þetta að það hefði mátt halda að mín biði lítið barn heima. Monsa varð alveg crazy þegar hún sá dótið! Hún hefur varla stoppað í æðiskastinu við það að fleygja, bíta, klóra, sparka, sleikja, laumast að, bregða, leita að og leika sér með mýsnar og prikið. Henni finnst þetta stórkostlegt. Hún var fyrst núna að leggjast niður á handarbakið á mér og hristist því með mér þegar ég skrifa. Opnar rifu öðru hvoru til þess að athuga hvort ég sé nokkuð að skrifa einhverjar lygasögur af henni.....Ég hafði nefnilega áhyggjur af því að henni leiddist því hún er jú inniköttur og hefur því ekki ævintýraheiminn fyrir utan Silfurgötu 11. Eina dótið hennar var drasl sem við hentum á gólfið fyrir hana, upprúllaður pappír í spotta. Stuð.

Ókei, ég skal hætta að tala um köttinn minn.....

Ég skaust út í Vík eftir vinnu. Hitti pabbsa minn fyrir í vinnunni sinni í sundlauginni þar sem hann var agalega upptekinn við að skamma stráka sem voru að fikta í rafmagnshurðinni. Drakk hjá honum smá kaffi og óskaði honum og Dóru svo góðrar ferðar til Kaupmannahafnar-London-EGYPTALANDS!!! Já pabbi litli er að fara að heimsækja píramýdana og Swinksana! Mikið ótrúlega öfunda ég þau. Ég vona að ég eigi eftir að fá tækifæri einhverntímann á ævinni til þess að fara til Egyptalands.

Jæja gott fólk, ég vona líka að þið eigið eftir að verða svo heppin að sjá píramýdana einn daginn, í góðum félagsskap.....Þangað til næst.....njótið kvöldsins.

Harpa

2006-01-23T11:23:00.000-08:00

Ég sakna þín :(

2006-01-21T08:30:00.000-08:00

Jóhanna María kom í heimsókn í dag:) Hún var á skíðum með pabba sínum til kl eitt en Dúi var að fara í jarðaför kl tvö og hún fékk að vera með mér á meðan:) Hún er svo yndisleg! Henni og Monsu kom vel saman. Jóhanna fékk sér ristað brauð og vatn og þegar hún hafði kyngt síðasta bitanum fórum við út í göngutúr um bæinn. Kíktum við á Langa Manga og náðum okkur í heitt súkkulaði fyrir hana og kaffi fyrir mig í "to go" bolla, röltum svo aðeins í bænum og hittum svo Dúa í Hamraborg þegar jarðaförin var búin. Ég hefði alveg viljað hafa hana lengur og hana langaði ekkert að fara, hún vildi frekar fara heim til Monsu og leika við hana. En jæja, hún verður bara að koma aftur seinna.

Ég rölti bara heim aftur og bjó mér til æðislegan epla-melónu-engifer safa og sit núna með tölvuna í fanginu og Monsa liggur á handleggnum á mér og þar sem hún er með höfuðið á handabakinu þá hristist hún með mér, að sjálfsögðu sofandi. Furðulegur köttur.

Finnst ykkur ég tala mikið um köttinn minn......

Þangað til næst....njótið dagsins!
Harpa

2006-01-21T08:21:00.000-08:00

Erum við ekki sætar saman..... ?

2006-01-20T13:35:00.000-08:00

Monsa biður að heilsa.......heimtaði að ég setti þessi mynd hér......

2006-01-20T13:32:00.000-08:00

Frekja.........

2006-01-20T01:12:00.000-08:00

Ég kíkti á Langa Manga í gær eftir vinnu. Arg hvað ég get orðið pirruð þegar ég fer þangað stundum. Staðnum er skipt í tvennt reyk og "reyklaust". Sem er bara kjaftæði, þetta er svo lítill staður að það skiptir engu máli hvar maður situr, reykurinn reynir að kæfa mann. Þegar ég labbaði inn kom strax veggur á móti mér og svo til að bæta svörtu ofan á svart þá eru blaðarekkarnir í reyksalnum og þétt upp við þá eru tvö borð. Ég þurfti sem sagt að troðast á milli borðana þar sem átta manns sátu og reyktu. ÉG þurfti að afsaka mig fyrir að vera að troðast!!!!! Þegar ég kom út eftir að hafa setið í tæpan klukkutíma lyktaði ég eins og sígarettustubbur! Ég rölti aðeins um bæinn, fór í blómabúðina og Samkaup en gafst svo upp því það var svo hræðileg lykt af mér að ég gat ekki gert fólki það að vera nálægt mér. Og ég var í síðu úlpunni minni sem ég var nýbúin að ná í úr hreinsun(sökum reykingalyktar!) og hún angaði! Í morgun þegar ég fór í hana var súr lykt af henni. Djöf.....helv.....andsk......!!!!!!!´

Og ég hlusta ekki á kjaftæðið í fólki sem segir " til hvers varstu þá að fara þangað?" Þegiðu, ég á jafn mikinn rétt á því og þú að setjast niður á kaffihúsi, lesa blöðin og fá mér kaffi! Ég vil geta nýtt mér þennan stað líka. Ég er mikil kaffihúsamanneskja og elska að setjast niður með kaffið mitt í ró og næði og horfa á mannlífið í kringum mig. Eða setjast niður með tölvuna eða blöðin eða kannski annari manneskju. Mikið andskoti get ég orðið pirruð á þessu.

2006-01-20T01:09:00.000-08:00

Hræðlegt slysið sem varð hérna í gærdag þar sem stelpa um tvítugt lést. Dauðinn er alltaf ömurlegur og sorglegur en þegar svona ungt líf er tekið er sorgin alltaf átakanlegri. Ég votta fjölskyldu og vinum hennar samúð mína.

2006-01-18T13:08:00.000-08:00

Ég sit hér í fallega röndótta stólnum mínum, með fallegu gráu og hvítu Monsu mína sofandi á bringunni og ofurlágur andadráttur hennar er yndislegur, fartölvan í fanginu, og kertaljósin kveikt. Já ég skal reyna að muna að slökkva.....

Njótið kvöldsins....
Harpa

2006-01-18T04:35:00.000-08:00

Þessi rosalega fallega, klára, hjartahlýja, listhneygða, yndislega kona á 30 ára afmæli í dag! Ég kynntist þessum eðalsteini í Markhúsinu þar sem við vorum að vinna saman og urðum við fljótt kærar vinkonur. Það er varla hægt að hugsa sér fallegri sál en hana Elmu mína, og ég óska þess að þessi dagur og allir dagar verði henni góðir. Mikið vildi ég að við gætum farið á kaffihús saman eins og við vorum gjarnar á að gera og töluðum við um HEIMA OG GEIMA, gátum setið í marga klukkutíma, oh hvað ég sakna þess.

Ef þú lest þetta Elma mín þá máttu vita það að ég hugsa til þín svo oft og óska þess að við gætum átt fleiri stundir saman en þessa 1-2 á ári. Þú hefur kennt mér svo ótal margt og gefið af þér alveg endalaust. Þú átt sko risastóran stað í mínu hjarta !!

knús
Harpa

2006-01-18T03:51:00.000-08:00

Lítt er títt af þessum bæ. ALLT Á KAFI Í SNJÓ ! Það svoleiðis kyngdi niður í alla nótt en nú er allt orðið rólegt á ný. Við Monsa erum enn einar heima og söknum Hlyns okkar hræðilega mikið. Skil ekki hvernig hægt er að vera sjómannskona! En líklega eru sumir bara þannig að þeir eiga ekki erfitt með að vera einir. Mér finnst það hræðilegt, maður nennir ekki að gera neitt og enginn til að tala við. Svo er ég svo lélegt að drífa mig út í heimsóknir eða bara til að rölta. Haldiðið að það sé nú! Ég er nú samt að spá í að eyða síðasta þúsundkallinum í kaffihús eftir vinnu svo ég fari ekki alveg strax heim upp í sófa. Lesa blöðin og fá mér vont kaffi(það er nefnilega rosa vont kaffi á Langa Manga....). Sjáum til.

Ég hitaði mér grjónagraut í gær og þar sem það varð svo mikill afgangur þá ákvað ég að finna uppskrift af grautarlummur, nammmm.... þær heppnuðust vel með smá hveiti og eggjum, vanilluessens og rúsínum. mmmmmmmmmmmmmmm............ fékk mér svo sykurlaust hlynsíróp og Monsa ætlaði vitlaus að verða af spenningi þegar ég var að borða þetta góðgæti. Á smá afgang sem ég get gert mér í kvöld líka.....

jæja, eins og ég sagði þá gerist lítið hjá mér þannig að þetta verður stutt í þetta skiptið.

Njótið dagsins:)
Harpa

2006-01-16T03:58:00.000-08:00

Ég er þreytt!
Sofnaði ekki fyrr en að verða eitt í nótt og svo var ég vakin kl 04:14! Svo er mál vexti að pólverjinn á neðri hæðinni vinnur í einum af nágrannabænum og er alltaf sóttur á morgnana. Venjulega erum við vakin rúmlega sex þegar bíllinn(díselbíll, hávær vél) rennur undir gluggann hjá okkur og flautar. Nánast undantekningalaust sefur maðurinn yfir sig og þurfum við að hlusta á brölt og braml í svona 15 mín og á meðan þenur bílstjórinn vélina eins og hann sé að hóta því að fara ef hann drullar sér ekki út.
En í NÓTT átti greinilega að byrja að vinna snemma því bíllinn kom á fyrrgreindum tíma, hann flautaði reyndar ekki en þandi vélina til hins ýtrasta í 10 mín. Bröltið og hlaupin á neðri hæðinni vöktu Monsu mína sem hingað til hafði verið mjög stillt inn í gestaherbergi, og ekki að spyrja að því, hún mjálmaði og mjálmaði.
Ég var að festa svefn aftur þegar klukkan mín hringdi rúmlega 7! AAAAAAAAAAAAAAAAAAAARRRRRRRRRRRRRRRRRRG!!!!!
Ég er að hugsa um að láta Monsu pissa í skóinn hjá pólverjanum.......

2006-01-16T01:44:00.000-08:00

Við þurfum að endurskoða ritstjórnarstefnu heimsins.

2006-01-15T14:09:00.000-08:00

Þetta er mynd eftir Kjarval og er í eigu Hildar og Dúa. Ég tók þessa mynd af málverkinu á síðasta spilakvöldi, með nýju myndavélinni okkar. Myndin er ALLS EKKI svona rauð, ég breytti stillingunum í myndavélinni þannig að útkoman varð þessi. Málverkið sjálft er mjög dimmt og flott, dökk dökk grænt að mig minnir. Mér finnst þetta reyndar flottara, með fullri virðingu fyrir frænda mínum Kjarvali:)

Langaði bara að sýna ykkur hana.

Góða nótt

Harpa

2006-01-15T13:53:00.000-08:00

Dagurinn í dag var aðeins ríkari af framtakssemi minni en gærdagurinn. Reyndar vaknaði ég ekki fyrr en hálf tólf, fékk mér að borða og eftir að hafa legið í letikasti í tvo tíma tók ég mig til og fór að versla í grísnum hans Jóhannesar. Rauk svo heim með vörurnar, náði í tölvuna og fór á Langa Manga. Eftir að ég kom heim tók við tveggja tíma þrif. Byrjaði á því að skafa málninguna af gólfinu inn á klósettinu með nöglunum, Hlynur skuldar mér nú feita handsnyrtingu, ryksugaði, skúraði og svo framvegis. Eldaði mér svo dýrindis hamborgara með dijon sinnepi, grænmeti, vel krydduðu kjöti og gómsætum gráðaosti. Nammmmmmmmmmmm........

Monsa er farin að heimta athygli með því stökkva upp á mig og reyna klifra upp pilsið mitt á afar sársaukafullan hátt, fyrir mig. Og þegar ég labba hleypur hún á eftir mér, flækist undir pilsið, reynir að grípa í ökklana eða narta í tærnar. Yfirleitt með þeim afleiðingum að ég annaðhvort sparka eða stíg óvart ofan á hana. Svo eltir hún moppuna þegar ég er að moppa eða skúra og þegar ég var að skafa málninguna á fjórum fótum hélt hún að ég væri að leika við hana þannig að hún lagðist á hendina á mér og hristist með. Rosalega gaman. Hún er ekkert uppáþrengjandi. Nei alls ekki.........

Gott fólk ég ætla snemma að sofa.

Hörpulíus

2006-01-15T13:32:00.000-08:00

Ég sit hér á Langa Manga, hrikalega svöng því ég hafði hugsað mér að gæða mér á beyglu með skinku og osti en nei, ekkert í boði á sunnudögum nema dísætar kökur !! Og þar sem ég borða ekki sykur þamba ég bara latte og létt kók í staðinn. Lélegt að ekki sé hægt að kveikja á grillinu!

Ég ákvað að forða mér burt af heimili mínu sem hefur tekið upp á því að vera allt í drasli. Hef ekki hugsað mér að vera heima þegar Heiðar og hvað-hún-nú-heitir banka upp á. Vona bara að allt verði glansandi þegar ég kem heim. En á svo sem ekki von á því að það rætist, nema Monsa taki einhverjum stórkostlegum stökkbreytingum..... Ætli ég verði ekki bara að láta mig hafa það að þrífa á eftir, ef svo ólíklega vildi til að einhverjum skildi detta það í hug að koma í heimsókn.

Furðulegt hvað ég hef engan drifkraft í það að gera fínt í kringum mig þegar Hlynur er ekki heima. Ligg bara eins og klessa upp í sófa, með ljótuna og allt. Ótrúlegt hvað maður er einfaldur stundum. Það er svo ótal margt sem á eftir að gera heima en ég kem mér ekki til þess að lyfta hendi. Þrífa málninguna eftir Hlyn á litla klósettinu, megnið af því sem átti að fara á veggina virðist hafa endað á gólfinu.... Þrífa klósett og vaska, ryksuga og skúra, skipta á rúminu, gera eldhúsið fínt og svo framvegis. Úff mig langar ekkert heim. Næ bara í Monsu og gisti á hótelinu. Ætli þau leyfi gæludýr?

Í gær horfði ég á magnaða mynd, Hotel Rwanda, þar sem sagt er frá þjóðarmorðunum sem áttu sér stað þar árið 1994. Öfgamenn Hútúa slátruðu Tútsíum og þeim Hútúum sem ekki vildu taka þátt í morðunum, og í valnum lágu um milljón manns. Drepnir á hrottalegan hátt. Og þar sem Rwanda skiptir vesturlöndin engu máli barst engin hjálp, SÞ var þarna með 300 manns að ég held, en meira var það ekki. Saklaust fólk drepið með sveðjum og heimurinn hélt bara áfram að snúa sér undan. Ég mæli með því að fólk nái sér í þessa mynd á næstu leigu undir eins!

Jæja, ég ætla að drulla mér heim að þrífa, þetta gengur ekki lengur þessi drengur hann þarf spengur og það strax!

Harpa

2006-01-14T15:51:00.000-08:00

Púff, framtakssemin hefur ekki verið að drepa mig í dag. Ég gerði ekki neitt! Var bara heima, spjallaði við pabba, Hlyn minn sem ég sakna hræðilega mikið, og Ágústu mína í síma. Gaman að heyra í Ágústu, henni þykir gaman í lögregluskólanum og er að gera allsskonar spennandi hluti þar. Öfunda hana pínu og er gríðarlega stolt af henni! En greyið fær ekki að hitta Sævar sinn fyrr en í byrjun febrúar þegar hún kemur vestur til þess að fara á Stútung. Ég hlakka mikið til að sjá hana og einnig að fara á þessa skemmtun sem er sú skemmtilegasta í heimi! Ég held að þetta sé í 71 sinn sem Stútungur er haldinn, hef farið síðan ég kynntist Hlyni og þetta er bara geðveikt! Æðislegur matur og skemmtiatriðin eru yfirleitt stórkostleg. Í fyrra slógu þau þó öll met, aldrei hef ég séð svona flott atriði! Dúi bróðir Hlyns var ógeðslega fyndinn og flottur(fremstur á myndinni), eins og þau öll sem voru í skemmtinefndinni. Oh ég hlakka svo til! Sævar er einmitt í nefndinni þetta árið:)

Ég og Monsa erum bara einar heima og reynum að venjast því að hafa Hlyn okkar ekki hjá okkur:( Henni finnst ég örugglega ekki eins skemmtileg og Hlynur því ég nenni ekki að leika við hana eins mikið. En Hlynur hefur mjög gaman af því og það er yndislegt að fylgjast með þeim tveimur ærslast alveg endalaust.
Á milli þess ´sem hún sefur í hálsakoti hjá mér þá þeytist hún um stofuna, eltandi....guð má vita hvað.

Jæja, ég vildi bara láta heyra í mér.

Njótið kvöldsins og nýtið nóttina:)
Harpa ykkar

2006-01-13T02:34:00.000-08:00

Ritstjórabjánarnir segja af sér.

Þetta bara gat ekki endað öðruvísi en að þeir segðu upp störfum sínum þessir kjánar. Um eftirmenn þeirra veit ég ekki neitt en miðað við nám og fyrri störf held ég að þarna séu á ferð menn með meira vit á milli eyrnanna, að minnsta kosti ríkari siðferðiskennd. Við skulum allavega vona það.

Mér finnst bara verst í þessari umfjöllum hvað þetta hefur slæm áhrif fyrir þolendurna. Eins og góð kona sagði "það er búið að stela glæpnum".

Það var ekki fleira að sinni, skrifa kannsski meira í kvöld.

Harpa

2006-01-12T05:16:00.000-08:00

Við kveiktum á kertum í gær en náðum að halda eldinum í skefjum. Hinsvegar gleymdum við að loka gluggum niðri áður en við fórum að sofa og hitinn var kominn niður í 13° þegar við komum niður í morgun!! Vægast sagt kalt !!! brrrrrrr............ Aldrei þessu vant var hlýtt að koma fram á stigagang þar sem er engin upphitun...... Annaðhvort er of kalt eða of heitt;)
Ekki alveg fullkomin morgun, sérstaklega þar sem Monsa elskan hafði staðið á mjálminu fyrir utan hurðina hjá okkur ALLA nóttina ! Við erum að reyna að venja hana af því að sofa upp í hjá okkur og hún er sko EKKI sátt og lætur okkur heyra það svo um muni. Litlu ópalthjörtun sem við Hlynur höfum börðust ótt og títt við hvert einasta mjálm og þurftum við að berjast við að fara ekki og hleypa henni inn. Að hlusta á kettlingamjálm hlýtur að vera eins og að hlusta á barnið sitt gráta. Enda er hún barnið okkar;)

Nú fer Hlynur á morgun til Rvk, ef veður leyfir. Hann ætlar að reyna að fljúga en það er hægara sagt er flogið því fólk veit aldrei hverju það á von þegar litið er út um gluggann, er allt á kafi í snjó eða er hreinlega komin grenjandi rigning? Í augnablikinu er allt á kafi í snjó.
Hlynur minn verður í burtu í 2 vikur og ég verð ein heima með Monsu, svona quality time þið vitið með barninu....hehhe.....

jamms, back to reality....

Harpa

2006-01-11T14:07:00.000-08:00

FULLT af nýjum myndum komnar inn!!!
Endilega kíkið:)

bæ ðe vei, við fengum 73 þús úr tryggingunum í dag;) jíha !

Nýtið nóttina og vaknið vel:)

Harpa

2006-01-11T06:25:00.000-08:00

Maður tryggir ekki eftir!

Þegar við komum heim í gær og fórum að skoða tjónið betur sáum við að nýja fína myndavélin okkar hafði bráðnað að hluta til. hún virkar en er ferlega ljót og leiðinlegt að hafa hana svona. Og ekki er hægt að gera við borðið þannig að það verði samt aftur en við getum notað það ef við kaupum bara dúk. Fíni hekludúkurinn sem mamma átti er að sjálfsögðu brunninn til kaldra kola.

Við erum með góðar tryggingar hjá VÍS og samkvæmt samtali við þau hér á Ísafirði ættum við að fá þetta bætt, myndavélina, borðið og meira að segja dúkinn, ásamt einum degi í þrif(!)þó að sjálfsögðu sé ekki hægt að "verðleggja" dúkinn hennar mömmu:( . Hann hafði meira tilfinningalegt gildi.
Sjálfsábyrgðin er 14 þús en rest fáum við.

En jæja, back to work. ég ætla að setja myndir af brunarústunum inn í kvöld.

Nýtið daginn og njótið kvöldsins:)
Harpa

2006-01-10T03:41:00.000-08:00

Hjúkket!!!! Mikið er ég fegin að vera á lífi í dag! Það munaði ekki miklu að ég hefði brennt húsið utan af okkur í nótt. Svo er nú mál með vexti að Hlynur fór upp að sofa á undan mér eða um hálf ellefuleitið í gær, ég sat áfram og var að blogga færsluna hérna á undan(sem ég setti inn í morgun vegna tæknilegra örðuleika.....). Nema hvað, þegar ég fer upp rúmlega hálftíma síðar gleymi ég að slökkva á einu kerti sem stóð á nýja(antik) sófaborðinu mínu. Þetta var svona sirka 8 cm breitt og 20cm hátt, glænýtt ilmkerti.
Já, ég sem sagt gleymdi að slökkva áður en ég fór að halla mér. Ég sofnaði seint eftir mikil slagsmál við Monsu þar sem hún er orðin ansi frek á ástúð svona á nóttunni. Vill bara sofa í andlitinu á manni og núa sér og mala og troðast. Jæja, um klukkan 5 hrukkum við upp og héldum að dauðinn væri að koma ná í okkur þar sem allir reykskynjarar fóru í gang. Slökkviliðsmaðurinn minn stökk niður á nærunum eins og hann væri með ragettu í rassgatinu, svo heyri ég bara "shit!" og mikið brölt og braml og sé bjarma frá eldi koma að neðan. Íííííííísk!!!!! Ég og Monsa sátum gjörsamlega lamaðar af hávaða, VÁ hvað tveir reykskynjarar gera mikil læti!!!
Nú við vorum nýbúin að fjárfesta í slökkvitæki en sem betur fer hafði Hlynur vit á því að nota það ekki þar sem eldurinn var viðráðanlegur því annars hefði mikið skemmst. Hann hljóp inn í eldhús og náði í viskustykki sem hann notaði til þess að slökkva eldinn.
Kertið góða hafði sem sagt verið gallað því það brann aðeins annar helmingurinn alveg niður og þar með kviknaði í heklaða dúknum frá mömmu og fína borðinu mínu:( En sem betur fer var það nú ekki meira. En þetta er svo sannarlega spark í rassgatið! Og að sjálfsögðu náðum við lítið sem ekkert að sofa eftir þetta því fengum auðvitað smá áfall, og "hvað ef" og allt það.

Jæja svona var nú spennusaga dagsins í dag......
Eldheitar kveðjur
Harpa

2006-01-10T01:10:00.000-08:00

Í dag er þriðjudagur. Vinnudagurinn í gær leið fljótt sökum anna, sem er alltaf gaman. Ég elska þegar það er brjálað að gera í vinnuni og hann líður nánast án þess að maður líti á klukkuna. Og ekki skemmir fyrir þegar verkefnin krefjast einbeitningar.

Annars er nú lítið að frétta af þessum rólega vígvelli. Við fórum til Hildar og Dúa á laugardaginn að spila kínaskák sem er mjög skemmtilegt spil(handspil). Mættum fyrst í sjávarréttasúpu til tengdó og fórum svo yfir til Möggu aðeins, þaðan sem við löbbuðum til H og D. Þar voru sem sagt mætt við Hlynur, Magga systir hans, Dúi bróðir hans og Hildur, Ólafur bróðir Hildar og Kata og svo Lilja. Samtals vorum við því átta og var fjörið alveg eftir því. Hver einasti dropi af áfengi sem fannst í húsinu var drukkin að ég held enda náðum við ekki að klára síðasta spilið..... Við Hlynur gistum hjá Möggu(takk fyrir gistinguna Magga og sorrí að við náðum ekki að klára að búa um áður en við fórum....við reyndum en það bara gekk ekkert hjá okkur.....).
Þegar við vöknuðum um hálf ellefu morguninn eftir(ekki alveg hressasta parið í bænum) brunuðum við yfir á Ísafjörð, fórum í sturtu, bjuggum til dýrindis sumar í könnu með nýju ávaxtapressunni sem við fengum í jólagjöf, og flýttum okkur svo til vinafólks okkar, Lísbetar og Erics þar sem við fenguð æðislegar speltlummur með sýrópi, ávaxtasalati eða osti og smjöri. Geggjað! Nutuð við líka félagsskapar Söru Emily, 2 ára og Harðar Christians, rúmlega 4 mán, sem eru litlu englarnir þeirra, algjörlega yndisleg börn.

Svo þegar heim kom tók við eldamennska þar sem við höfðu skipt hangilærinu sem Hlynur fékk í jólagjöf, í risastóran hamborgarahrygg. Um kvöldið gæddum við okkur á honum ásamt öllu tilheyrandi meðlæti. Okkur fannst eiginlega að við ættum að fá að taka upp pakka þegar við vorum búin að ganga frá:) Æðislegt.
Svo í gærkvöldi buðum við Lísbet og börnunum í afganga, enda NÓG til, enda var Eric farinn til Rvk í námsferð. Þau voru hjá okkur til að verða níu og langaði mig að hafa þau öll áfram hjá okkur. Sara Emily sló í gegn, hló og hló að kisunni okkar og borðaði eins og hestur. Hörður litli var afskaplega ánægður með lífið, brosti út að eyrum, borðaði, slefaði og ældi. Pretty much the meaning of life for him;) Gjörsamlega yndisleg fjölskylda sem ég er rosalega þakklát fyrir að hafa fengið að kynnast.

Ég mun reyna að vinna í myndasíðunni næstu kvöld enda fullt af myndum sem á eftir að setja inn, t.d. heimsóknin hjá Lísbet og Eric og spilakvöldið góða.

Nýtið daginn og njótið kvöldsins;)
koss og knús
Harpa

2006-01-06T13:15:00.000-08:00

jæja gott fólk, loksins tókst að setja inn myndir og linka, það var sko ekki auðvelt!!! En með diggri aðstoð Gumma þá lukkaðist það að lokum:) Takk Gummi lummi! Endilega skoðið þær myndir sem konar eru inn, ég reyni svo að setja inn fleiri linka á morgun.

ðank jú and gúd næt!
Harpa

2006-01-05T10:40:00.000-08:00

ég ákvað að skipta um blogg, fannt hitt frekar leiðinlegt umhverfi.

Ég er ein heima í kvöld því Hlynur fór í sjúkraflug suður og ekki er víst hvort hann komi heim í kvöld eða á morgun. Grjónagrauturinn mallar á hellunni og bíður eftir að ég setji fullt af girnilegum rúsínum út í. nammmmmm........

Kisa litla er rosalega hrifin af tölvunni og situr núna í fangi mér og fylgist með mér skrifa. Hún er mjög hrifin af bendlinum þar sem hann fer yfir skjáinn og skilur ekkert í því hún nái honum ekki þrátt fyrir margar tilraunir.

augnablik, ég ætla að kíkja á grautinn.....

aaahhhhh... grauturinn var tilbúinn, takk fyrir mig.

Hlynur var líka að hringja þeir eru að fara í loftið frá borg óttans þannig að hann verður kominn heim eftir svona klst. Veiiii:)
Jæja., úr því ég hef ekkert merkilegt að segja ætla ég að ljúka þessari leiðindarfærslu.

Njótið kvöldsins og nýtið nóttina;)
kv Harpa